Sukta 11

11.1

Shreyahpraptih, 1-5 shukrah, krityadushanam, 1 chatushpada virat gayatri, 2-5 tripada paroshnik, 4 pipilikamadhya nichrit

दूष्या॒ दूषि॑रसि हे॒त्या हे॒तिर॑सि मे॒न्या मे॒निर॑सि ।
आ॒प्नु॒हि श्रेयां॑स॒मति॑ स॒मं क्रा॑म ॥१॥

Dushya dushirasi hetya hetirasi menya menirasi
Apnuhi shreyansamati samam krama

11.2

स्र॒क्त्योऽसि प्रतिस॒रोऽसि प्रत्यभि॒चर॑णोऽसि ।
आ॒प्नु॒हि श्रेयां॑स॒मति॑ स॒मं क्रा॑म ॥२॥

Sraktyosi pratisarosi pratyabhicharanosi
Apnuhi shreyansamati samam krama

11.3

प्रति॒ तम॒भि च॑र॒ यो॒ऽस्मान् द्वेष्टि॒ यं व॒यं द्वि॒ष्मः ।
आ॒प्नु॒हि श्रेयां॑स॒मति॑ स॒मं क्रा॑म ॥३॥

Prati tamabhi chara yosman dveshti yam vayam dvishmah
Apnuhi shreyansamati samam krama

11.4

सू॒रिर॑सि वर्चो॒धा अ॑सि तनू॒पानोऽसि ।
आ॒प्नु॒हि श्रेयां॑स॒मति॑ स॒मं क्रा॑म ॥४॥

Surirasi varchodha asi tanupanosi
Apnuhi shreyansamati samam krama

11.5

शु॒क्रोऽसि भ्रा॒जोऽसि॒ स्वऽरसि॒ ज्योति॑रसि ।
आ॒प्नु॒हि श्रेयां॑स॒मति॑ स॒मं क्रा॑म ॥५॥

Shukrosi bhrajosi svarasi jyotirasi
Apnuhi shreyansamati samam krama