সূক্ত 10

10.1

পাশমোচনম্। ১-৮ ভৃগ্বঙ্গিরাঃ। ১-৮ দ্যাবাপৃথিবী, ব্রহ্ম, ২ অগ্নিঃ, আপঃ, ওষধয়ঃ, সোমঃ, ৩ বাতঃ, দিশঃ,৪-৮বাতপত্নীঃ, সূর্যঃ, যক্ষ্মং, নির্ঋতিঃ। ১ ত্রিষ্টুপ্, ২ সপ্তপদাষ্টিঃ, ৩-৫, ৭-৮ সপ্তপদা ধৃতিঃ, ৬ সপ্তপদাত্যষ্টিঃ, ৮ (২, ৩) দ্বৌ পাদৌ উষ্ণিহৌ।

ক্ষেত্রিয়াৎ ত্বা নিরৃত্যা জামিশংসাদ্ দ্রুহো মুঞ্চামি বরুণস্য পাশাৎ।
অনাগসং ব্রহ্মণা ত্বা কৃণোমি শিবে তে দ্যাবা পৃথিবী উভে স্তাম্ ॥১॥

10.2

শং তে অগ্নিঃ সহাদ্ভিরস্তু শং সোমঃ সহৌষধীভিঃ ।
এবাহং ত্বাং ক্ষেত্রিয়ান্নিরৃত্যা জামিশংসাদ্ দ্রুহো মুঞ্চামি বরুণস্য পাশাৎ।
অনাগসং ব্রহ্মণা ত্বা কৃণোমি শিবে তে দ্যাবাপৃথিবী উভে স্তাম্ ॥২॥

10.3

শং তে বাতো অন্তরিক্ষে বয়ো ধাচ্ছং তে ভবন্তু প্রদিশশ্চতস্রঃ ।
এবাহং ত্বাং ক্ষেত্রিয়ান্নিরৃত্যা জামিশংসাদ্ দ্রুহো মুঞ্চামি বরুণস্য পাশাৎ।
অনাগসং ব্রহ্মণা ত্বা কৃণোমি শিবে তে দ্যাবাপৃথিবী উভে স্তাম্ ॥৩॥

10.4

ইমা যা দেবীঃ প্রদিশশ্চতস্রো বাতপত্নীরভি সূর্যো বিচষ্টে ।
এবাহং ত্বাং ক্ষেত্রিয়ান্নিরৃ ত্যা জামিশংসাদ্ দ্রুহো মুঞ্চামি বরুণস্য পাশাৎ।
অনাগসং ব্রহ্মণা ত্বা কৃণোমি শিবে তে দ্যাবাপৃথিবী উভে স্তাম্ ॥৪॥

10.5

তাসু ত্বান্তর্জরস্যা দধামি প্র যক্ষ্ম এতু নিরৃতিঃ পরাচৈঃ ।
এবাহং ত্বাং ক্ষেত্রিয়ান্নিরৃত্যা জামিশংসাদ্ দ্রুহো মুঞ্চামি বরুণস্য পাশাৎ।
অনাগসং ব্রহ্মণা ত্বা কৃণোমি শিবে তে দ্যাবাপৃথিবী উভে স্তাম্ ॥৫॥

10.6

অমুক্থা যক্ষ্মাদ্ দুরিতাদবদ্যাদ্ দ্রুহঃ পাশাদ্ গ্রাহ্যাশ্চোদমুক্থাঃ ।
এবাহং ত্বাং ক্ষেত্রিয়ান্নিরৃত্যা জামিশংসাদ্ দ্রুহো মুঞ্চামি বরুণস্য পাশাৎ।
অনাগসং ব্রহ্মণা ত্বা কৃণোমি শিবে তে দ্যাবাপৃথিবী উভে স্তাম্ ॥৬॥

10.7

অহা অরাতিমবিদঃ স্যোনমপ্যভূর্ভদ্রে সুকৃতস্য লোকে।
এবাহং ত্বাং ক্ষেত্রিয়ান্নিরৃত্যা জামিশংসাদ্ দ্রুহো মুঞ্চামি বরুণস্য পাশাৎ।
অনাগসং ব্রহ্মণা ত্বা কৃণোমি শিবে তে দ্যাবাপৃথিবী উভে স্তাম্ ॥৭॥

10.8

সূর্যমৃতং তমসো গ্রাহ্যা অধি দেবা মুঞ্চন্তো অসৃজন্নিরেণসঃ ।
এবাহং ত্বাং ক্ষেত্রিয়ান্নিরৃত্যা জামিশংসাদ্ দ্রুহো মুঞ্চামি বরুণস্য পাশাৎ।
অনাগসং ব্রহ্মণা ত্বা কৃণোমি শিবে তে দ্যাবাপৃথিবী উভে স্তাম্ ॥৮॥