সূক্ত 9

9.1

দীর্ঘায়ুঃপ্রাপ্তিঃ। ১- ৫ ভৃগ্বঙ্গিরাঃ। বনস্পতিঃ, যক্ষ্মনাশনম্। অনুষ্টুপ্, ১ বিরাট্ প্রস্তারপঙ্ক্তিঃ।

দশবৃক্ষ মুঞ্চেমং রক্ষসো গ্রাহ্যা অধি যৈনং জগ্রাহ পর্বসু ।
অথো এনং বনস্পতে জীবানাং লোকমুন্নয় ॥১॥

9.2

আগাদুদগাদয়ং জীবানাং ব্রাতমপ্যগাৎ।
অভূদু পুত্রাণাং পিতা নৃণাং চ ভগবত্তমঃ ॥২॥

9.3

অধীতীরধ্যগাদয়মধি জীবপুরা অগান্।
শতং হ্যস্য ভিষজঃ সহস্রমুত বীরুধঃ ॥৩॥

9.4

দেবাস্তে চীতিমবিদন্ ব্রহ্মাণ উত বীরুধঃ ।
চীতিং তে বিশ্বে দেবা অবিদন্ ভূম্যামধি ॥৪॥

9.5

যশ্চকার স নিষ্করৎ স এব সুভিষক্তমঃ ।
স এব তুভ্যং ভেষজানি কৃণবদ্ ভিষজা শুচিঃ ॥৫॥