Sukta 9

9.1

Dirghayuhpraptih, 1- 5 bhrigvangirah, vanaspatih, yakshmanashanam, anushtup, 1 virat prastarapanktih

दश॑वृक्ष मु॒ञ्चेमं रक्ष॑सो॒ ग्राह्या॒ अधि॒ यैनं॑ ज॒ग्राह॒ पर्व॑सु ।
अथो॑ एनं वनस्पते जी॒वानां॒ लो॒क॑मु॑न्नय ॥१॥

Dashavriksha munchemam rakshaso grahya adhi yainam jagraha parvasu
Atho enam vanaspate jivanam lokamunnaya

9.2

आगा॒दुद॑गाद॒यं जी॒वानां॒ व्रात॒मप्य॑गात्।
अभू॑दु पु॒त्राणां॑ पि॒ता नृ॒णां च॒ भग॑वत्तमः ॥२॥

Agadudagadayam jivanam vratamapyagat
Abhudu putranam pita nrinam cha bhagavattamah

9.3

अधी॑ती॒रध्य॑गाद॒यमधि॑ जीवपु॒रा अ॑गान्।
श॒तं ह्य॑स्य भि॒षजः॑ स॒हस्र॑मु॒त वी॒रुधः॑ ॥३॥

Adhitiradhyagadayamadhi jivapura agan
Shatam hyasya bhishajah sahasramuta virudhah

9.4

दे॒वास्ते॑ ची॒तिम॑विदन् ब्र॒ह्माण॑ उ॒त वी॒रुधः॑ ।
ची॒तिं ते॒ विश्वे॑ दे॒वा अवि॑द॒न् भूम्या॒मधि॑ ॥४॥

Devaste chitimavidan brahmana uta virudhah
Chitim te vishve deva avidan bhumyamadhi

9.5

यश्च॒कार॒ स निष्क॑र॒त् स ए॒व सुभि॑षक्तमः ।
स ए॒व तुभ्यं॑ भेष॒जानि॑ कृ॒णव॑द् भि॒षजा॒ शुचिः॑ ॥५॥

Yashchakara sa nishkarat sa eva subhishaktamah
Sa eva tubhyam bheshajani krinavad bhishaja shuchih