সূক্ত 12

12.1

শত্রুনাশনম্। ১-৮ ভরদ্বাজঃ। ১ দ্যাবাপৃথিবী, অন্তরিক্ষম্, ২ দেবাঃ, ৩ ইন্দ্রঃ, ৪ আদিত্যা বসবোঽঙ্গিরসঃ পিতরঃ, ৫ সোম্যাসঃ পিতরঃ, ৬ মরুতঃ, ৭ যমসাদনম্, ব্রহ্ম, ৮ অগ্নিঃ। ত্রিষ্টুপ্, ২ জগতী, ৭-৮ অনুষ্টুপ্।

দ্যাবাপৃথিবী উর্ব১ন্তরিক্ষং ক্ষেত্রস্য পত্ন্যুরুগায়োঽদ্ভুতঃ ।
উতান্তরিক্ষমুরু বাতগোপং ত ইহ তপ্যন্তাং ময়ি তপ্যমানে ॥১॥

12.2

ইদং দেবাঃ শৃণুত যে যজ্ঞিয়া স্থ ভরদ্বাজো মহ্যমুক্থানি শংসতি ।
পাশে স বদ্ধো দুরিতে নি যুজ্যতাং যো অস্মাকং মন ইদং হিনস্তি ॥২॥

12.3

ইদমিন্দ্র শৃণুহি সোমপ যৎ ত্বা হৃদা শোচতা জোহবীমি ।
বৃশ্চামি তং কুলিশেনেব বৃক্ষং যো অস্মাকং মন ইদং হিনস্তি ॥৩॥

12.4

অশীতিভিস্তিসৃভিঃ সামগেভিরাদিত্যেভির্বসুভিরঙ্গিরোভিঃ ।
ইষ্টাপূর্তমবতু নঃ পিতৄণামামুং দদে হরসা দৈব্যেন ॥৪॥

12.5

দ্যাবাপৃথিবী অনু মা দীধীথাং বিশ্বে দেবাসো অনু মা রভধ্বম্।
অঙ্গিরসঃ পিতরঃ সোম্যাসঃ পাপমার্ছত্বপকামস্য কর্তা ॥৫॥

12.6

অতীব যো মরুতো মন্যতে নো ব্রহ্ম বা যো নিন্দিষৎ ক্রিয়মাণম্।
তপূংষি তস্মৈ বৃজিনানি সন্তু ব্রহ্মদ্বিষং দ্যৌরভিসংতপাতি ॥৬॥

12.7

সপ্ত প্রাণানষ্টৌ মন্যস্তাংস্তে বৃশ্চামি ব্রহ্মণা ।
অয়া যমস্য সাদনমগ্নিদূতো অরংকৃতঃ ॥৭॥

12.8

আ দধামি তে পদং সমিদ্ধে জাতবেদসি ।
অগ্নিঃ শরীরং বেবেষ্ট্বসুং বাগপি গছতু ॥৮॥