সূক্ত 13

13.1

দীর্ঘায়ুঃপ্রাপ্তিঃ। ১-৫ অথর্বা। অগ্নিঃ, ২-৩ বৃহস্পতিঃ, ৪-৫ বিশ্বে দেবাঃ। ত্রিষ্টুপ্, ৪ অনুষ্টুপ্, ৫ বিরাড্ জগতী।

আয়ুর্দা অগ্নে জরসং বৃণানো ঘৃতপ্রতীকো ঘৃতপৃষ্ঠো অগ্নে ।
ঘৃতং পীত্বা মধু চারু গব্যং পিতেব পুত্রানভি রক্ষতাদিমম্ ॥১॥

13.2

পরি ধত্ত ধত্ত নো বর্চসেমং জরামৃত্যুং কৃণুত দীর্ঘমায়ুঃ ।
বৃহস্পতিঃ প্রায়চ্ছদ্ বাস এতৎ সোমায় রাজ্ঞে পরিধাতবা উ ॥২॥

13.3

পরীদং বাসো অধিথাঃ স্বস্তয়েঽভূর্গৃষ্টীনামভিশস্তিপা উ ।
শতং চ জীব শরদঃ পুরূচী রায়শ্চ পোষমুপসংব্যয়স্ব ॥৩॥

13.4

এহ্যশ্মানমা তিষ্ঠাশ্মা ভবতু তে তনূঃ ।
কৃণ্বন্তু বিশ্বে দেবা আয়ুষ্টে শরদঃ শতম্ ॥৪॥

13.5

যস্য তে বাসঃ প্রথমবাস্যং১ হরামস্তং ত্বা বিশ্বেঽবন্তু দেবাঃ ।
তং ত্বা ভ্রাতরঃ সুবৃধা বর্ধমানমনু জাতন্তাং বহবঃ সুজাতম্ ॥৫॥