সূক্ত 7

7.1

নক্ষত্রাণি। ১-৫ গার্গ্যঃ। নক্ষত্রাণি। ত্রিষ্টুপ্, ৪ ভুরিক্।

চিত্রাণি সাকং দিবি রোচনানি সরীসৃপাণি ভুবনে জবানি ।
তুর্মিশং সুমতিমিচ্ছমানো অহানি গীর্ভিঃ সপর্যামি নাকম্ ॥১॥

7.2

সুহবমগ্নে কৃত্তিকা রোহিণী চাস্তু ভদ্রং মৃগশিরঃ শমার্দ্রা।
পুনর্বসূ সূনৃতা চারু পুষ্যো ভানুরাশ্লেষা অয়নং মঘা মে ॥২॥

7.3

পুণ্যং পূর্বা ফল্গুন্যৌ চাত্র হস্তশ্চিত্রা শিবা স্বাতি সুখো মে অস্তু ।
রাধে বিশাখে সুহবানুরাধা জ্যেষ্ঠা সুনক্ষত্রমরিষ্ট মূলম্ ॥৩॥

7.4

অন্নং পূর্বা রাসতাং মে অষাঢা ঊর্জং দেব্যুত্তরা আ বহন্তু ।
অভিজিন্মে রাসতাং পুণ্যমেব শ্রবণঃ শ্রবিষ্ঠাঃ কুর্বতাং সুপুষ্টিম্ ॥৪॥

7.5

আ মে মহচ্ছতভিষগ্ বরীয় আ মে দ্বয়া প্রোষ্ঠপদা সুশর্ম ।
আ রেবতী চাশ্বয়ুজৌ ভগং ম আ মে রয়িং ভরণ্য আ বহন্তু ॥৫॥