Sukta 7

7.1

Nakshatrani, 1-5 gargyah, nakshatrani, trishtup, 4 bhurik

चि॒त्राणि॑ सा॒कं दि॒वि रो॑च॒नानि॑ सरीसृ॒पाणि॒ भुव॑ने ज॒वानि॑ ।
तु॒र्मिशं॑ सुम॒तिमि॒च्छमा॑नो॒ अहा॑नि गी॒र्भिः स॑प॒र्यामि॒ नाक॑म् ॥१॥

Chitrani sakam divi rochanani sarisripani bhuvane javani
Turmisham sumatimichchhamano ahani girbhih saparyami nakam

7.2

सु॒हव॑मग्ने॒ कृत्ति॑का॒ रोहि॑णी॒ चास्तु॑ भ॒द्रं मृ॒गशि॑रः॒ शमा॒र्द्रा।
पुन॑र्वसू सू॒नृता॒ चारु॒ पुष्यो॑ भा॒नुरा॑श्ले॒षा अय॑नं म॒घा मे ॥२॥

Suhavamagne krittika rohini chastu bhadram mrigashirah shamardra
Punarvasu sunrita charu pushyo bhanurashlesha ayanam magha me

7.3

पुण्यं॒ पूर्वा॒ फल्गु॑न्यौ॒ चात्र॒ हस्त॑श्चि॒त्रा शि॒वा स्वा॒ति सु॒खो मे॑ अस्तु ।
राधे॑ वि॒शाखे॑ सु॒हवा॑नुरा॒धा ज्येष्ठा॑ सु॒नक्ष॑त्र॒मरि॑ष्ट॒ मूल॑म् ॥३॥

Punyam purva phalgunyau chatra hastashchitra shiva svati sukho me astu
Radhe vishakhe suhavanuradha jyeshtha sunakshatramarishta mulam

7.4

अन्नं॒ पूर्वा॑ रासतां मे अषा॒ढा ऊर्जं॑ दे॒व्युत्त॑रा॒ आ व॑हन्तु ।
अ॒भि॒जिन्मे॑ रासतां॒ पुण्य॑मे॒व श्रव॑णः॒ श्रवि॑ष्ठाः कुर्वतां सुपु॒ष्टिम् ॥४॥

Annam purva rasatam me ashadha urjam devyuttara a vahantu
Abhijinme rasatam punyameva shravanah shravishthah kurvatam supushtim

7.5

आ मे॑ म॒हच्छ॒तभि॑ष॒ग् वरी॑य॒ आ मे॑ द्व॒या प्रोष्ठ॑पदा सु॒शर्म॑ ।
आ रे॒वती॑ चाश्व॒युजौ॒ भगं॑ म॒ आ मे॑ र॒यिं भर॑ण्य॒ आ व॑हन्तु ॥५॥

A me mahachchhatabhishag variya a me dvaya proshthapada susharma
A revati chashvayujau bhagam ma a me rayim bharanya a vahantu