সূক্ত 8

8.1

নক্ষত্রাণী। ১-৭ গার্গ্যঃ। নক্ষত্রাণী, …. ব্রহ্মণস্পতিঃ। ত্রিষ্টুপ্, ১ বিরাড্ জগতী।

যানি নক্ষত্রাণি দিব্য১ন্তরিক্ষে অপ্সু ভূমৌ যানি নগেষু দিক্ষু।
প্রকল্পয়ংশ্চন্দ্রমা যান্যেতি সর্বাণি মমৈতানি শিবানি সন্তু ॥১॥

8.2

অষ্টাবিংশানি শিবানি শগ্মানি সহ যোগং ভজন্তু মে ।
যোগং প্র পদ্যে ক্ষেমং চ ক্ষেমং প্র পদ্যে যোগং চ নমোঽহোরাত্রাভ্যামস্তু ॥২॥

8.3

স্বস্তিতং মে সুপ্রাতঃ সুসায়ং সুদিবং সুমৃগং সুশকুনং মে অস্তু ।
সুহবমগ্নে স্বস্ত্য১মর্ত্যং গত্বা পুনরায়াভিনন্দন্ ॥৩॥

8.4

অনুহবং পরিহবং পরিবাদং পরিক্ষবম্।
সর্বৈর্মে রিক্তকুম্ভান্ পরা তান্ সবিতঃ সুব ॥৪॥

8.5

অপপাপং পরিক্ষবং পুণ্যং ভক্ষীমহি ক্ষবম্।
শিবা তে পাপ নাসিকাং পুণ্যগশ্চাভি মেহতাম্ ॥৫॥

8.6

ইমা যা ব্রহ্মণস্পতে বিষুচীর্বাত ঈরতে ।
সধ্রীচীরিন্দ্র তাঃ কৃত্বা মহ্যং শিবতমাস্কৃধি ॥৬॥

8.7

স্বস্তি নো অস্ত্বভয়ং নো অস্তু নমোঽহোরত্রাভ্যামস্তু ॥৭॥