সূক্ত 6

6.1

জগদ্বীজ পুরুষঃ। ১-১৬ নারায়ণঃ। পুরুষঃ। অনুষ্টুপ্।

সহস্রবাহুঃ পুরুষঃ সহস্রাক্ষঃ সহস্রপাৎ।
স ভূমিং বিশ্বতো বৃত্বাত্যতিষ্ঠদ্ দশাঙ্গুলম্ ॥১॥

6.2

ত্রিভিঃ পদ্ভির্দ্যামরোহৎ পাদস্যেহাভবৎ পুনঃ ।
তথা ব্যঽক্রামদ্ বিষ্বঙশনানশনে অনু ॥২॥

6.3

তাবন্তো অস্য মহিমানস্ততো জ্যায়াংশ্চ পূরুষঃ ।
পাদোঽস্য বিশ্বা ভূতানি ত্রিপাদস্যৃতং দিবি ॥৩॥

6.4

পুরুষ এবেদং সর্বং যদ্ ভূতং যচ্চ ভাব্যম্।
উতামৃতত্বস্যেশ্বরো যদন্যেনাভবৎ সহ ॥৪॥

6.5

যৎ পুরুষং ব্যদধুঃ কতিধা ব্যঽকল্পয়ন্।
মুখং কিমস্য কিং বাহূ কিমূরূ পাদা উচ্যেতে ॥৫॥

6.6

ব্রাহ্মণোঽস্য মুখমাসীদ্ বাহূ রাজন্যোঽভবৎ।
মধ্যং তদস্য যদ্ বৈশ্যঃ পদ্ভ্যাং শূদ্রো অজায়ত ॥৬॥

6.7

চন্দ্রমা মনসো জাতশ্চক্ষোঃ সূর্যো অজায়ত ।
মুখাদিন্দ্রশ্চাগ্নিশ্চ প্রাণাদ্ বায়ুরজায়ত ॥৭॥

6.8

নাভ্যা আসীদন্তরিক্ষং শীর্ষ্ণো দ্যৌঃ সমবর্তত ।
পদ্ভ্যাং ভূমির্দিশঃ শ্রোত্রাৎ তথা লোকাং অকল্পয়ন্ ॥৮॥

6.9

বিরাডগ্রে সমভবদ্ বিরাজো অধি পূরুষঃ ।
স জাতো অত্যরিচ্যত পশ্চাদ্ ভূমিমথো পুরঃ ॥৯॥

6.10

যৎ পুরুষেণ হবিষা দেবা যজ্ঞমতন্বত ।
বসন্তো অস্যাসীদাজ্যং গ্রীষ্ম ইধ্মঃ শরদ্ধবিঃ ॥১০॥

6.11

তং যজ্ঞং প্রাবৃষা প্রৌক্ষন্ পুরুষং জাতমগ্রশঃ ।
তেন দেবা অয়জন্ত সাধ্যা বসবশ্চ যে ॥১১॥

6.12

তস্মাদশ্বা অজায়ন্ত যে চ কে চোভয়াদতঃ ।
গাবো হ জজ্ঞিরে তস্মাৎ তস্মাজ্জাতা অজাবয়ঃ ॥১২॥

6.13

তস্মাদ্ যজ্ঞাৎ সর্বহুত ঋচঃ সামানি জজ্ঞিরে ।
ছন্দো হ জজ্ঞিরে তস্মাদ্ যজুস্তস্মাদজায়ত ॥১৩॥

6.14

তস্মাদ্ যজ্ঞাৎ সর্বহুতঃ সংভৃতং পৃষদাজ্যঽম্।
পশূংস্তাংশ্চক্রে বায়ব্যাঽনারণ্যা গ্রাম্যাশ্চ যে ॥১৪॥

6.15

সপ্তাস্যাসন্ পরিধয়স্ত্রিঃ সপ্ত সমিধঃ কৃতাঃ ।
দেবা যদ্ যজ্ঞং তন্বানা অবধ্নন্ পুরুষং পশুম্ ॥১৫॥

6.16

মূর্ধ্নো দেবস্য বৃহতো অংশবঃ সপ্ত সপ্ততীঃ ।
রাজ্ঞঃ সোমস্যাজায়ন্ত জাতস্য পুরুষাদধি ॥১৬॥