সূক্ত 55

55.1

রায়স্পোষপ্রাপ্তিঃ। ১-৬ ভৃগুঃ। অগ্নিঃ। ত্রিষ্টুপ্, ২ আস্তারপঙ্ক্তিঃ, ৫ ত্র্যবসানা পঞ্চপদা পুরস্তাজ্জ্যোতিষ্মতী।

রাত্রিংরাত্রিমপ্রয়াতং ভরন্তোঽশ্বায়েব তিষ্ঠতে ঘাসমস্মৈ।
রায়স্পোষেণ সমিষা মদন্তো মা তে অগ্নে প্রতিবেশা রিষাম ॥১॥

যা তে বসোর্বাত ইষুঃ সা ত এষা তয়া নো মৃড ।
রায়স্পোষেণ সমিষা মদন্তো মা তে অগ্নে প্রতিবেশা রিষাম ॥২॥

সায়ংসায়ং গৃহপতির্নো অগ্নিঃ প্রাতঃপ্রাতঃ সৌমনসস্য দাতা।
বসোর্বসোর্বসুদান এধি বয়ং ত্বেন্ধানাস্তন্বং পুষেম ॥৩॥

প্রাতঃপ্রাতর্গৃহপতির্নো অগ্নিঃ সায়ংসায়ং সৌমনসস্য দাতা।
বসোর্বসোর্বসুদান এধীন্ধানাস্ত্বা শতংহিমা ঋধেম ॥৪॥

অপশ্চা দগ্ধান্নস্য ভূয়াসম্।
অন্নাদায়ান্নপতয়ে রুদ্রায় নমো অগ্নয়ে ।
সভ্যঃ সভাং মে পাহি যে চ সভ্যাঃ সভাসদঃ ॥৫॥

ত্বামিন্দ্রা পুরুহূত বিশ্বমায়ুর্ব্যশ্নবন্।
অহরহর্বলিমিৎ তে হরন্তোঽশ্বায়েব তিষ্ঠতে ঘাসমগ্নে ॥৬॥