সূক্ত 54

54.1

কালঃ। ১-৫ ভৃগুঃ। কালঃ। অনুষ্টুপ্, ২ ত্রিপদাঽর্ষী গায়ত্রী, ৫ ত্র্যবসানা ষট্পদা বিরাডষ্টিঃ।

কালাদাপঃ সমভবন্ কালাদ্ ব্রহ্ম তপো দিশঃ ।
কালেনোদেতি সূর্যঃ কালে নি বিশতে পুনঃ ॥১॥

54.2

কালেন বাতঃ পবতে কালেন পৃথিবী মহী।
দ্যৌর্মহী কাল আহিতা ॥২॥

54.3

কালো হ ভূতং ভব্যং চ পুত্রো অজনয়ৎ পুরা।
কালাদৃচঃ সমভবন্ যজুঃ কালাদজায়ত ॥৩॥

54.4

কালো যজ্ঞং সমৈরয়দ্ দেবেভ্যো ভাগমক্ষিতম্।
কালে গন্ধর্বাপ্সরসঃ কালে লোকাঃ প্রতিষ্ঠিতাঃ ॥৪॥

54.5

কালেঽয়মঙ্গিরা দেবোঽথর্বা চাধি তিষ্ঠতঃ ।
ইমং চ লোকং পরমং চ লোকং পুণ্যাংশ্চ লোকান্ বিধৃতীশ্চ পুণ্যাঃ ।
সর্বাংল্লোকানভিজিত্য ব্রহ্মণা কালঃ স ঈয়তে পরমো নু দেবঃ ॥৫॥