সূক্ত 56

56.1

দুঃষ্বপ্ননাশনম্। ১-৬ যমঃ। দুঃষ্বপ্ননাশনম্। ত্রিষ্টুপ্।

যমস্য লোকাদধ্যা বভূবিথ প্রমদা মর্ত্যান্ প্র যুনক্ষি ধীরঃ ।
একাকিনা সরথং যাসি বিদ্বান্ত্স্বপ্নং মিমানো অসুরস্য যোনৌ ॥১॥

56.2

বন্ধস্ত্বাগ্রে বিশ্বচয়া অপশ্যৎ পুরা রাত্র্যা জনিতোরেকে অহ্নি ।
ততঃ স্বপ্নেদমধ্যা বভূবিথ ভিষগ্ভ্যো রূপমপগূহমানঃ ॥২॥

56.3

বৃহদ্গাবাসুরেভ্যোঽধি দেবানুপাবর্তত মহিমানমিচ্ছন্।
তস্মৈ স্বপ্নায় দধুরাধিপত্যং ত্রয়স্ত্রিংশাসঃ স্বরানশানাঃ ॥৩॥

56.4

নৈতাং বিদুঃ পিতরো নোত দেবা যেষাং জল্পিশ্চরত্যন্তরেদম্।
ত্রিতে স্বপ্নমদধুরাপ্ত্যে নর আদিত্যাসো বরুণেনানুশিষ্টাঃ ॥৪॥

56.5

যস্য ক্রূরমভজন্ত দুষ্কৃতোঽস্বপ্নেন সুকৃতঃ পুণ্যমায়ুঃ ।
স্বর্মদসি পরমেণ বন্ধুনা তপ্যমানস্য মনসোঽধি জজ্ঞিষে ॥৫॥

56.6

বিদ্ম তে সর্বাঃ পরিজাঃ পুরস্তাদ্ বিদ্ম স্বপ্ন যো অধিপা ইহা তে ।
যশশ্বিনো নো যশসেহ পাহ্যারাদ্ দ্বিষেভিরপ যাহি দূরম্ ॥৬॥