সূক্ত 31

31.1

ঔদুম্বরমণিঃ। ১-১৪ সবিতা (পুষ্টিকামঃ)। ঔদুম্বরমণিঃ। অনুষ্টুপ্, ৫, ১২ ত্রিষ্টুপ্, ৬ বিরাট্ প্রস্তারপঙ্ক্তিঃ, ১১ , ১৩ পঞ্চপদা শক্বরী, ১৪ বিরাডাস্তারপঙ্ক্তিঃ।

ঔদুম্বরেণ মণিনা পুষ্টিকামায় বেধসা ।
পশূণাং সর্বেষাং স্ফাতিং গোষ্ঠে মে সবিতা করৎ ॥১॥

31.2

যো নো অগ্নির্গার্হপত্যঃ পশূনামধিপা অসৎ।
ঔদুম্বরো বৃষা মণিঃ সং মা সৃজতু পুষ্ট্যা ॥২॥

31.3

করীষিণীং ফলবতীং স্বধামিরাং চ নো গৃহে।
ঔদুম্বরস্য তেজসা ধাতা পুষ্টিং দধাতু মে ॥৩॥

31.4

যদ্ দ্বিপাচ্চ চতুষ্পাচ্চ যান্যন্নানি যে রসাঃ ।
গৃহ্ণে৩হং ত্বেষাং ভূমানং বিভ্রদৌদুম্বরং মণিম্ ॥৪॥

31.5

পুষ্টিং পশূনাং পরি জগ্রভাহং চতুষ্পদাং দ্বিপদাং যচ্চ ধান্যম্।
পয়ঃ পশূনাং রসমোষধীনাং বৃহস্পতিঃ সবিতা মে নি যচ্ছাৎ ॥৫॥

31.6

অহং পশূনামধিপা অসানি ময়ি পুষ্টং পুষ্টপতির্দধাতু ।
মহ্যমৌদুম্বরো মণির্দ্রবিণানি নি যচ্ছতু ॥৬॥

31.7

উপ মৌদুম্বরো মণিঃ প্রজয়া চ ধনেন চ ।
ইন্দ্রেণ জিন্বিতো মণিরা মাগন্ত্সহ বর্চসা ॥৭॥

31.8

দেবো মণিঃ সপত্নহা ধনসা ধনসাতয়ে ।
পশোরন্নস্য ভূমানং গবাং স্ফাতিং নি যচ্ছতু ॥৮॥

31.9

যথাগ্রে ত্বং বনস্পতে পুষ্ঠ্যা সহ জজ্ঞিষে।
এবা ধনস্য মে স্ফাতিমা দধাতু সরস্বতী ॥৯॥

31.10

আ মে ধনং সরস্বতী পয়স্ফাতিং চ ধান্যঽম্।
সিনীবাল্যুপা বহাদয়ং চৌদুম্বরো মণিঃ ॥১০॥

31.11

ত্বং মণীনামধিপা বৃষাসি ত্বয়ি পুষ্টং পুষ্টপতির্জজান ।
ত্বয়ীমে বাজা দ্রবিণানি সর্বৌদুম্বরঃ স ত্বমস্মৎ সহস্বারাদরাতিমমতিং ক্ষুধং চ ॥১১॥

31.12

গ্রামণীরসি গ্রামণীরুত্থায়াভিষিক্তোঽভি মা সিঞ্চ বর্চসা ।
তেজোঽসি তেজো ময়ি ধারয়াধি রয়িরসি রয়িং মে ধেহি ॥১২॥

31.13

পুষ্টিরসি পুষ্ট্যা মা সমঙ্গ্ধি গৃহমেধী গৃহপতিং মা কৃণু ।
ঔদুম্বরঃ স ত্বমস্মাসু ধেহি রয়িং চ নঃ সর্ববীরং নি যচ্ছ রায়স্পোষায় প্রতি মুঞ্চে অহং ত্বাম্ ॥১৩॥

31.14

অয়মৌদুম্বরো মণির্বীরো বীরায় বধ্যতে ।
স নঃ সনিং মধুমতীং কৃণোতু রয়িং চ নঃ সর্ববীরং নি যচ্ছাৎ ॥১৪॥