সূক্ত 30

30.1

দর্ভমণিঃ। ১-৫ ব্রহ্মা। দর্ভমণিঃ। অনুষ্টুপ্।

যৎ তে দর্ভ জরামৃত্যুঃ শতং বর্মসু বর্ম তে ।
তেনেমং বর্মিণং কৃত্বা সপত্নাং জহি বীর্যৈঃ ॥১॥

শতং তে দর্ভ বর্মাণি সহস্রং বীর্যাণি তে ।
তমস্মৈ বিশ্বে ত্বাং দেবা জরসে ভর্তবা অদুঃ ॥২॥

ত্বামাহুর্দেববর্ম ত্বাং দর্ভ ব্রহ্মণস্পতিম্।
ত্বামিন্দ্রস্যাহুর্বর্ম ত্বং রাষ্ট্রাণি রক্ষসি ॥৩॥

সপত্নক্ষয়ণং দর্ভ দ্বিষতস্তপনং হৃদঃ ।
মণিং ক্ষত্রস্য বর্ধনং তনূপানং কৃণোমি তে ॥৪॥

যৎ সমুদ্রো অভ্যক্রন্দৎ পর্জন্যো বিদ্যুতা সহ।
ততো হিরণ্যয়ো বিন্দুস্ততো দর্ভো অজায়ত ॥৫॥