সূক্ত 29

29.1

দর্ভমণিঃ। ১-৯ ব্রহ্মা। দর্ভমাণিঃ। অনুষ্টুপ্।

নিক্ষ দর্ভ সপত্নান্ মে নিক্ষ মে পৃতনায়তঃ ।
নিক্ষ মে সর্বান্ দুর্হার্দো নিক্ষ মে দ্বিষতো মণে ॥১॥

29.2

তৃন্দ্ধি দর্ভ সপত্নান্ মে তৃন্দ্ধি মে পৃতনায়তঃ ।
তৃন্দ্ধি মে সর্বান্ দুর্হার্দতৃন্দ্ধি মে দ্বিষতো মণে ॥২॥

29.3

রুন্দ্ধি দর্ভ সপত্নান্ মে রুন্দ্ধি মে পৃতনায়তঃ ।
রুন্দ্ধি মে সর্বান্ দুর্হার্দো রুন্দ্ধি মে দ্বিষতো মণে ॥৩॥

29.4

মৃণ দর্ভ সপত্নান্ মে মৃণ মে পৃতনায়তঃ ।
মৃণ মে সর্বান্ দুর্হার্দো মৃণ মে দ্বিষতো মণে ॥৪॥

29.5

মন্থ দর্ভ সপত্নান্ মে মন্থ মে পৃতনায়তঃ ।
মন্থ মে সর্বান্ দুর্হার্দো মন্থ মে দ্বিষতো মণে ॥৫॥

29.6

পিণ্ড্ঢি দর্ভ সপত্নান্ মে পিণ্ড্ঢি মে পৃতনায়তঃ ।
পিণ্ড্ঢি মে সর্বান্ দুর্হার্দো পিণ্ড্ঢি মে দ্বিষতো মণে ॥৬॥

29.7

ওষ দর্ভ সপত্নান্ মে ওষ মে পৃতনায়তঃ ।
ওষ মে সর্বান্ দুর্হার্দো ওষ মে দ্বিষতো মণে ॥৭॥

29.8

দহ দর্ভ সপত্নান্ মে দহ মে পৃতনায়তঃ ।
দহ মে সর্বান্ দুর্হার্দো দহ মে দ্বিষতো মণে ॥৮॥

29.9

জহি দর্ভ সপত্নান্ মে জহি মে পৃতনায়তঃ ।
জহি মে সর্বান্ দুর্হার্দো জহি মে দ্বিষতো মণে ॥৯॥