Sukta 30

30.1

Darbhamanih, 1-5 brahma, darbhamanih, anushtup

यत् ते॑ दर्भ ज॒रामृ॑त्युः श॒तं वर्म॑सु॒ वर्म॑ ते ।
तेने॒मं व॒र्मिणं॑ कृ॒त्वा स॒पत्नां॑ जहि वी॒र्यैः ॥१॥

Yat te darbha jaramrityuh shatam varmasu varma te
Tenemam varminam kritva sapatnam jahi viryaih

श॒तं ते॑ दर्भ॒ वर्मा॑णि स॒हस्रं॑ वी॒र्या॑णि ते ।
तम॒स्मै विश्वे॒ त्वां दे॒वा ज॒रसे॒ भर्त॒वा अ॑दुः ॥२॥

Shatam te darbha varmani sahasram viryani te
Tamasmai vishve tvam deva jarase bhartava aduh

त्वामा॑हुर्देव॒वर्म॒ त्वां द॑र्भ॒ ब्रह्म॑ण॒स्पति॑म्।
त्वामिन्द्र॑स्याहु॒र्वर्म॒ त्वं रा॒ष्ट्राणि॑ रक्षसि ॥३॥

Tvamahurdevavarma tvam darbha brahmanaspatim
Tvamindrasyahurvarma tvam rashtrani rakshasi

स॒प॒त्न॒क्षय॑णं दर्भ द्विष॒तस्तप॑नं हृ॒दः ।
म॒णिं क्ष॒त्रस्य॒ वर्ध॑नं तनू॒पानं॑ कृणोमि ते ॥४॥

Sapatnakshayanam darbha dvishatastapanam hridah
Manim kshatrasya vardhanam tanupanam krinomi te

यत् स॑मु॒द्रो अ॒भ्यक्र॑न्दत् प॒र्जन्यो॑ वि॒द्युता॑ स॒ह।
ततो॑ हिर॒ण्ययो॑ बि॒न्दुस्ततो॑ द॒र्भो अ॑जायत ॥५॥

Yat samudro abhyakrandat parjanyo vidyuta saha
Tato hiranyayo bindustato darbho ajayata