সূক্ত 3

3.1

পিতৃমেধঃ। ১-৭৩ অথর্বা। যমঃ, ৪৪, ৪৬ মন্ত্রোক্তাঃ, ৫-৬ অগ্নিঃ, ৫০ ভূমিঃ, ৫৪ ইন্দুঃ, ৫৬ আপঃ। ত্রিষ্টুপ্, ৪, ৮, ১১, ২৩ সতঃ পঙ্ক্তি, ৫ ত্রিপদা নিচৃদ্গায়ত্রী, ৬, ৫৬, ৬৮, ৭০, ৭২ অনুষ্টুপ্ (৫৬ আর্ষী), ১৮ ২৫-২৯, ৪৪, ৪৬ জগতী, (১৮ ভুরিক্, ২৯ বিরাট্) ৩০ পঞ্চপদা অতিজগতী, ৩১ বিরাট্ শক্বরী, ৩২-৩৫, ৪৭, ৪৯, ৫২ ভুরিক্, ৩৬ একাবসানা আসুরী অনুষ্টুপ্, ৩৭ অকাবসানা আসুরী গায়ত্রী, ৩৯ পরা ত্রিষ্টুপ্ পঙ্ক্তিঃ, ৫০ প্রস্তারপঙ্ক্তিঃ, ৫৪ পুরোঽনুষ্টুপ্, ৫৮ বিরাট্, ৬০ ত্র্যবসানা ষট্-পদা জগতী, ৬৪ ভুরিক্ পথ্যাপঙ্ক্তিঃ, ৬৭ পথ্যাবৃ

ইয়ং নারী পতিলোকং বৃণানা নি পদ্যত উপ ত্বা মর্ত্য প্রেতম্।
ধর্মং পুরাণমনুপালয়ন্তী তস্যৈ প্রজাং দ্রবিণং চেহ ধেহি ॥১॥

3.2

উদীর্ষ্ব নার্যভি জীবলোকং গতাসুমেতমুপ শেষ এহি ।
হস্তগ্রাভস্য দধিষোস্তবেদং পত্যুর্জনিত্বমভি সং বভূথ ॥২॥

3.3

অপশ্যং যুবতিং নীয়মানাং জীবাং মৃতেভ্যঃ পরিণীয়মানাম্।
অন্ধেন যৎ তমসা প্রাবৃতাসীৎ প্রাক্তো অপাচীমনয়ং তদেনাম্ ॥৩॥

3.4

প্রজানত্যঽঘ্ন্যে জীবলোকং দেবানাং পন্থামনুসংচরন্তী ।
অয়ং তে গোপতিস্তং জুষস্ব স্বর্গং লোকমধি রোহয়ৈনম্ ॥৪॥

3.5

উপ দ্যামুপ বেতসমবত্তরো নদীনাম্।
অগ্নে পিত্তমপামসি ॥৫॥

3.6

যং ত্বমগ্নে সমদহস্তমু নির্বাপয়া পুনঃ ।
ক্যাম্বূরত্র রোহতু শাণ্ডদূর্বা ব্যঽল্কশা ॥৬॥

3.7

ইদং ত একং পর ঊ ত একং তৃতীয়েন জ্যোতিষা সং বিশস্ব ।
সংবেশনে তন্বা৩ চারুরেধি প্রিয়ো দেবানাং পরমে সধস্থে ॥৭॥

3.8

উৎ তিষ্ঠ প্রেহি প্র দ্রবৌকঃ কৃণুষ্ব সলিলে সধস্থে ।
তত্র ত্বং পিতৃভিঃ সংবিদানঃ সং সোমেন মদস্ব সং স্বধাভিঃ ॥৮॥

3.9

প্র চ্যবস্ব তন্বং১ সং ভরস্ব মা তে গাত্রা বি হায়ি মো শরীরম্।
মনো নিবিষ্টমনুসংবিশস্ব যত্র ভূমের্জুষসে তত্র গচ্ছ ॥৯॥

3.10

বর্চসা মাং পিতরঃ সোম্যাসো অঞ্জন্তু দেবা মধুনা ঘৃতেন ।
চক্ষুষে মা প্রতরং তারয়ন্তো জরসে মা জরদষ্টিং বর্ধন্তু ॥১০॥

3.11

বর্চসা মাং সমনক্ত্বগ্নির্মেধাং মে বিষ্ণুর্ন্যঽনক্ত্বাসন্।
রয়িং মে বিশ্বে নি যচ্ছন্তু দেবাঃ স্যোনা মাপঃ পবনৈঃ পুনন্তু ॥১১॥

3.12

মিত্রাবরুণা পরি মামধাতামাদিত্যা মা স্বরবো বর্ধয়ন্তু ।
বর্চো ম ইন্দ্রো ন্যনক্তু হস্তয়োর্জরদষ্টিং মা সবিতা কৃণোতু ॥১২॥

3.13

যো মমার প্রথমো মর্ত্যানাং যঃ প্রেয়ায় প্রথমো লোকমেতম্।
বৈবস্বতং সংগমনং জনানাং যমং রাজানং হবিষা সপর্যত ॥১৩॥

3.14

পরা যাত পিতর আ চ যাতায়ং বো যজ্ঞো মধুনা সমক্তঃ ।
দত্তো অস্মভ্যং দ্রবিণেহ ভদ্রং রয়িং চ নঃ সর্ববীরং দধাত ॥১৪॥

3.15

কণ্বঃ কক্ষীবান্ পুরুমীঢো অগস্ত্যঃ শ্যাবাশ্বঃ সোভর্যর্চনানাঃ ।
বিশ্বামিত্রোঽয়ং জমদগ্নিরত্রিরবন্তু নঃ কশ্যপো বামদেবঃ ॥১৫॥

3.16

বিশ্বামিত্র জমদগ্নে বসিষ্ঠ ভরদ্বাজ গোতম বামদেব ।
শর্দির্নো অত্রিরগ্রভীন্নমোভিঃ সুসংশাসঃ পিতরো মৃডতা নঃ ॥১৬॥

3.17

কস্যে মৃজানা অতি যন্তি রিপ্রমায়ুর্দধানাঃ প্রতরং নবীয়ঃ ।
আপ্যায়মানাঃ প্রজয়া ধনেনাধ স্যাম সুরভয়ো গৃহেষু ॥১৭॥

3.18

অঞ্জতে ব্যঽঞ্জতে সমঞ্জতে ক্রতুং রিহন্তি মধুনাভ্যঽঞ্জতে ।
সিন্ধোরুচ্ছ্বাসে পতয়ন্তমুক্ষণং হিরণ্যপাবাঃ পশুমাসু গৃহ্ণতে ॥১৮॥

3.19

যদ্ বো মুদ্রং পিতরঃ সোম্যং চ তেনো সচধ্বং স্বয়শসো হি ভূত।
তে অর্বাণঃ কবয় আ শৃণোত সুবিদত্রা বিদথে হূয়মানাঃ ॥১৯॥

3.20

যে অত্রয়ো অঙ্গিরসো নবগ্বা ইষ্টাবন্তো রাতিষাচো দধানাঃ ।
দক্ষিণাবন্তঃ সুকৃতো য উ স্থাসদ্যাস্মিন্ বর্হিষি মাদয়ধ্বম্ ॥২০॥

3.21

অধা যথা নঃ পিতরঃ পরাসঃ প্রত্নাসো অগ্ন ঋতমাশশানাঃ ।
শুচীদয়ন্ দীধ্যত উক্থশাসঃ ক্ষামা ভিন্দন্তো অরুণীরপ ব্রন্ ॥২১॥

3.22

সুকর্মানঃ সুরুচো দেবয়ন্তো অয়ো ন দেবা জনিমা ধমন্তঃ ।
শুচন্তো অগ্নিং বাবৃধন্ত ইন্দ্রমুর্বীং গব্যাং পরিষদং নো অক্রন্ ॥২২॥

3.23

আ যূথেব ক্ষুমতি পশ্বো অখ্যদ্ দেবানাং জনিমান্ত্যুগ্রঃ ।
মর্তাসশ্চিদুর্বশীরকৃপ্রন্ বৃধে চিদর্য উপরস্যায়োঃ ॥২৩॥

3.24

অকর্ম তে স্বপসো অভূম ঋতমবস্রন্নুষসো বিভাতীঃ ।
বিশ্বং তদ্ ভদ্রং যদবন্তি দেবা বৃহদ্ বদেম বিদথে সুবীরাঃ ॥২৪॥

3.25

ইন্দ্রো মা মরুত্বান্ প্রাচ্যা দিশঃ পাতু বাহুচ্যুতা পৃথিবী দ্যামিবোপরি ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥২৫॥

3.26

ধাতা মা নিরৃত্যা দক্ষিণায়া দিশঃ পাতু বাহুচ্যুতা পৃথিবী দ্যামিবোপরি ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥২৬॥

3.27

অদিতির্মাদিত্যৈঃ প্রতীচ্যা দিশঃ পাতু বাহুচ্যুতা পৃথিবী দ্যামিবোপরি ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥২৭॥

3.28

সোমো মা বিশ্বৈর্দেবৈরুদীচ্যা দিশঃ পাতু বাহুচ্যুতা পৃথিবী দ্যামিবোপরি ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥২৮॥

3.29

ধর্তা হ ত্বা ধরুণো ধারয়াতা ঊর্ধ্বং ভানুং সবিতা দ্যামিবোপরি ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥২৯॥

3.30

প্রাচ্যাং ত্বা দিশি পুরা সংবৃতঃ স্বধায়ামা দধামি বাহুচ্যুতা পৃথিবী দ্যামিবোপরি ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥৩০॥

3.31

দক্ষিণায়াং ত্বা দিশি পুরা সংবৃতঃ স্বধায়ামা দধামি বাহুচ্যুতা পৃথিবী দ্যামিবোপরি ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥৩১॥

3.32

প্রতীচ্যাং ত্বা দিশি পুরা সংবৃতঃ স্বধায়ামা দধামি বাহুচ্যুতা পৃথিবী দ্যামিবোপরি ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥৩২॥

3.33

উদীচ্যাং ত্বা দিশি পুরা সংবৃতঃ স্বধায়ামা দধামি বাহুচ্যুতা পৃথিবী দ্যামিবোপরি ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥৩৩॥

3.34

ধ্রুবায়াং ত্বা দিশি পুরা সংবৃতঃ স্বধায়ামা দধামি বাহুচ্যুতা পৃথিবী দ্যামিবোপরি ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥৩৪॥

3.35

ঊর্ধ্বায়াং ত্বা দিশি পুরা সংবৃতঃ স্বধায়ামা দধামি বাহুচ্যুতা পৃথিবী দ্যামিবোপরি ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥৩৫॥

3.36

ধর্তাসি ধরুণোঽসি বংসগোঽসি ॥৩৬॥

3.37

উদপূরসি মধুপূরসি বাতপূরসি ॥৩৭॥

3.38

ইতশ্চ মামুতশ্চাবতাং যমে ইব যতমানে যদৈতম্।
প্র বাং ভরন্ মানুষা দেবয়ন্তো আ সীদতাং স্বমু লোকং বিদানে ॥৩৮॥

3.39

স্বাসস্থে ভবতমিন্দবে নো যুজে বাং ব্রহ্ম পূর্ব্যং নমোভিঃ ।
বি শ্লোক এতি পথ্যেঽব সূরিঃ শৃণ্বন্তু বিশ্বে অমৃতাস এতৎ ॥৩৯॥

3.40

ত্রীণি পদানি রুপো অন্বরোহচ্চতুষ্পদীমন্বৈতদ্ ব্রতেন ।
অক্ষরেণ প্রতি মিমীতে অর্কমৃতস্য নাভাবভি সং পুনাতি ॥৪০॥

3.41

দেবেভ্যঃ কমবৃণীত মৃত্যুং প্রজায়ৈ কিমমৃতং নাবৃণীত ।
বৃহস্পতির্যজ্ঞমতনুত ঋষিঃ প্রিয়াং যমস্তন্ব১মা রিরেচ ॥৪১॥

3.42

ত্বমগ্ন ঈডিতো জাতবেদোঽবাড্ঢব্যানি সুরভীণি কৃত্বা।
প্রাদাঃ পিতৃভ্যঃ স্বধয়া তে অক্ষন্নদ্ধি ত্বং দেব প্রয়তা হবীংষি ॥৪২॥

3.43

আসীনাসো অরুণীনামুপস্থে রয়িং ধত্ত দাশুষে মর্ত্যায় ।
পুত্রেভ্যঃ পিতরস্তস্য বস্বঃ প্র যচ্ছত ত ইহোর্জং দধাত ॥৪৩॥

3.44

অগ্নিষ্বাত্তাঃ পিতর এহ গচ্ছত সদঃসদঃ সদত সুপ্রণীতয়ঃ ।
অত্তো হবীংষি প্রয়তানি বর্হিষি রয়িং চ নঃ সর্ববীরং দধাত ॥৪৪॥

3.45

উপহূতা নঃ পিতরঃ সোম্যাসো বর্হিষ্যেঽষু নিধিষু প্রিয়েষু ।
ত আ গমন্তু ত ইহ শ্রুবন্ত্বধি ব্রুবন্তু তেঽবন্ত্বস্মান্ ॥৪৫॥

3.46

যে নঃ পিতুঃ পিতরো যে পিতামহা অনূজহিরে সোমপীথং বসিষ্ঠাঃ ।
তেভির্যমঃ সংররাণো হবীংষ্যুশন্নুশদ্ভিঃ প্রতিকামমত্তু ॥৪৬॥

3.47

যে তাতৃষুর্দেবত্রা জেহমানা হোত্রাবিদঃ স্তোমতষ্টাসো অর্কৈঃ ।
আগ্নে যাহি সহস্রং দেববন্দৈঃ সত্যৈঃ কবিভির্ঋষিভির্ঘর্মসদ্ভিঃ ॥৪৭॥

3.48

যে সত্যাসো হবিরদো হবিষ্পা ইন্দ্রেণ দেবৈঃ সরথং তুরেণ ।
আগ্নে যাহি সুবিদত্রেভিরর্বাঙ্ পরৈঃ পূর্বৈর্ঋষিভির্ঘর্মসদ্ভিঃ ॥৪৮॥

3.49

উপ সর্প মাতরং ভূমিমেতামুরুব্যচসং পৃথিবীং সুশেবাম্।
ঊর্ণম্রদাঃ পৃথিবী দক্ষিণাবত এষা ত্বা পাতু প্রপথে পুরস্তাৎ ॥৪৯॥

3.50

উচ্ছ্বঞ্চস্ব পৃথিবি মা নি বাধথাঃ সূপায়নাস্মৈ ভব সূপসর্পণা।
মাতা পুত্রং যথা সিচাভ্যেঽনং ভূম ঊর্ণুহি ॥৫০॥

3.51

উচ্ছ্বঞ্চমানা পৃথিবী সু তিষ্ঠতু সহস্রং মিত উপ হি শ্রয়ন্তাম্।
তে গৃহাসো ঘৃতশ্চুতঃ স্যোনা বিশ্বাহাস্মৈ শরণাঃ সন্ত্বত্র ॥৫১॥

3.52

উৎ তে স্তভ্নামি পৃথিবীং ত্বৎ পরীমং লোগং নিদধন্মো অহং রিষম্।
এতাং স্থূণাং পিতরো ধারয়ন্তি তে তত্র যমঃ সাদনা তে কৃণোতু ॥৫২॥

3.53

ইমমগ্নে চমসং মা বি জিহ্বরঃ প্রিয়ো দেবানামুত সোম্যানাম্।
অয়ং যশ্চমসো দেবপানস্তস্মিন্ দেবা অমৃতা মাদয়ন্তাম্ ॥৫৩॥

3.54

অথর্বা পূর্ণং চমসং যমিন্দ্রায়াবিভর্বাজিনীবতে ।
তস্মিন্ কৃণোতি সুকৃতস্য ভক্ষং তস্মিনিন্দুঃ পবতে বিশ্বদানীম্ ॥৫৪॥

3.55

যৎ তে কৃষ্ণঃ শকুন আতুতোদ পিপীলঃ সর্প উত বা শ্বাপদঃ ।
অগ্নিষ্টদ্ বিশ্বাদগদং কৃণোতু সোমশ্চ যো ব্রাহ্মণাং আবিবেশ ॥৫৫॥

3.56

পয়স্বতীরোষধয়ঃ পয়স্বন্মামকং পয়ঃ ।
অপাং পয়সো যৎ পয়স্তেন মা সহ শুম্ভতু ॥৫৬॥

3.57

ইমা নারীরবিধবাঃ সুপত্নীরাঞ্জনেন সর্পিষা সং স্পৃশন্তাম্।
অনশ্রবো অনমীবাঃ সুরত্না আ রোহন্তু জনয়ো যোনিমগ্রে ॥৫৭॥

3.58

সং গচ্ছস্ব পিতৃভিঃ সং যমেনেষ্টাপূর্তেন পরমে ব্যোঽমন্।
হিত্বাবদ্যং পুনরস্তমেহি সং গচ্ছতাং তন্বাঽ সুবর্চাঃ ॥৫৮॥

3.59

যে নঃ পিতুঃ পিতরো যে পিতামহা য আবিবিশুরুর্ব১ন্তরিক্ষম্।
তেভ্যঃ স্বরাডসুনীতির্নো অদ্য বথাবশং তন্বঃ কল্পয়াতি ॥৫৯॥

3.60

শং তে নীহারো ভবতু শং তে প্রুষ্বাব শীয়তাম্।
শীতিকে শীতিকাবতি হ্লাদিকে হ্লাদিকাবতি ।
মণ্ডূক্য১প্সু শং ভুব ইমং স্ব১গ্নিং শময় ॥৬০॥

3.61

বিবস্বান্নো অভয়ং কৃণোতু যঃ সুত্রামা জীরদানুঃ সুদানুঃ ।
ইহেমে বীরা বহবো ভবন্তু গোমদশ্ববন্ময্যস্তু পুষ্টম্ ॥৬১॥

3.62

বিবস্বান্ নো অমৃতত্বে দধাতু পরৈতু মৃত্যুরমৃতং ন ঐতু ।
ইমান্ রক্ষতু পুরুষানা জরিম্ণো মো ষ্বেঽষামসবো যমং গুঃ ॥৬২॥

3.63

যো দধ্রে অন্তরিক্ষে ন মহ্না পিতৄণাং কবিঃ প্রমতির্মতীনাম্।
তমর্চত বিশ্বমিত্রা হবির্ভিঃ স নো যমঃ প্রতরং জীবসে ধাৎ ॥৬৩॥

3.64

আ রোহত দিবমুত্তমামৃষয়ো মা বিভীতন ।
সোমপাঃ সোমপায়িন ইদং বঃ ক্রিয়তে হবিরগন্ম জ্বোতিরুত্তমম্ ॥৬৪॥

3.65

প্র কেতুনা বৃহতা ভাত্যগ্নিরা রোদসী বৃষভো রোরবীতি ।
দিবশ্চিদন্তাদুপমামুদানডপামুপস্থে মহিষো ববর্ধ ॥৬৫॥

3.66

নাকে সুপর্ণমুপ যৎ পতন্তং হৃদা বেনন্তো অভ্যচক্ষত ত্বা ।
হিরণ্যপক্ষং বরুণস্য দূতং যমস্য যো নৌ শকুনং ভুরণ্যুম্ ॥৬৬॥

3.67

ইন্দ্র ক্রতুং ন আ ভর পিতা পুত্রেভ্যো যথা ।
শিক্ষা ণো অস্মিন্ পুরুহূত যামনি জীবা জ্যোতিরশীমহি ॥৬৭॥

3.68

অপূপাপিহিতান্ কুম্ভান্ যাংস্তে দেবা অধারয়ন্।
তে তে সন্তু স্বধাবন্তো মধুমন্তো ঘৃতশ্চুতঃ ॥৬৮॥

3.69

যাস্তে ধানা অনুকিরামি তিলমিশ্রা স্বধাবতীঃ ।
তাস্তে সন্তু বিভ্বীঃ প্রভ্বীস্তাস্তে যমো রাজানু মন্যতাম্ ॥৬৯॥

3.70

পুনর্দেহি বনস্পতে য এষ নিহিতস্ত্বয়ি ।
যথা যমস্য সাদন আসাতৈ বিদথা বদন্ ॥৭০॥

3.71

আ রভস্ব জাতবেদস্তেজস্বদ্ধরো অস্তু তে ।
শরীরমস্য সং দহাথৈনং ধেহি সুকৃতামু লোকে ॥৭১॥

3.72

যে তে পূর্বে পরাগতা অপরে পিতরশ্চ যে।
তেভ্যো ঘৃতস্য কুল্যৈঽতু শতধারা ব্যুন্দতী ॥৭২॥

3.73

এতদা রোহ বয় উন্মৃজানঃ স্বা ইহ বৃহদু দীদয়ন্তে ।
অভি প্রেহি মধ্যতো মাপ হাস্থাঃ পিতৄনাং লোকং প্রথমো যো অত্র ॥৭৩॥