সূক্ত 4

4.1

পিতৃমেধঃ। ১-৮৯ অথর্বা। যমঃ, মন্ত্রোক্তাঃ, ৮১ পিতরঃ, ৮৮ অগ্নিঃ, ৮৯ চন্দ্রমাঃ। ত্রিষ্টুপ্, ১, ৪, ৭, ১৪, ৩৬, ৬০ ভুরিক্, ২, ৫, ১১, ২৯, ৫০-৫১, ৫৮ জগতী, ৩ পঞ্চপদা ভুরিগতিজগতী, ৬, ৯, ১৩ পঞ্চপদা শক্বরী (৯ ভুরিক্, ১৩ ত্র্যবসানা), ৮ পঞ্চপদাঽতিশক্বরী, ১২ মহাবৃহতী, ১৬-২৪ ত্রিপদা ভুরিঙ্ মহাবৃহতী, ২৬, ৩৩, ৪৩ উপরিষটাদ্বৃহতী (২৬ বিরাট্), ২৭ যাজুষী গায়ত্রী, ২৫, ৩১-৩২, ৩৮, ৪১-৪২, ৫৫-৫৭, ৫৯, ৬১ অনুষ্টুপ্ (৫৬ককুম্মতী), ৩৯, ৬২-৬৩ আস্তারপঙ্ক্তিঃ, ( ৩৯ পুরোবিরাট্, ৬২ ভুরিক্, ৬৩ স্বরাট্), ৪৯ অনুষ্টুব্গর্ভা ত্রিষ্টুপ্,

আ রোহত জনিত্রীং জাতবেদসঃ পিতৃয়াণৈঃ সং ব আ রোহয়ামি ।
অবাড্ঢব্যেষিতো হব্যবাহ ঈজানং যুক্তাঃ সুকৃতাং ধত্ত লোকে ॥১॥

4.2

দেবা যজ্ঞমৃতবঃ কল্পয়ন্তি হবিঃ পুরোডাশং স্রুচো যজ্ঞায়ুধানি ।
তেভির্যাহি পথিভির্দেবয়ানৈর্যৈরীজানাঃ স্বর্গং যন্তি লোকম্ ॥২॥

4.3

ঋতস্য পন্থামনু পশ্য সাধ্বঙ্গিরসঃ সুকৃতো যেন যন্তি ।
তেভির্যাহি পথিভিঃ স্বর্গং যত্রাদিত্যা মধু ভক্ষয়ন্তি তৃতীয়ে নাকে অধি বি শ্রয়স্ব ॥৩॥

4.4

ত্রয়ঃ সুপর্ণা উপরস্য মায়ূ নাকস্য পৃষ্ঠে অধি বিষ্টপি শ্রিতাঃ ।
স্বর্গা লোকা অমৃতেন বিষ্ঠা ইষমূর্জং যজমানায় দুহ্রাম্ ॥৪॥

4.5

জুহূর্দাধার দ্যামুপভৃদন্তরিক্ষং ধ্রুবা দাধার পৃথিবীং প্রতিষ্ঠাম্।
প্রতীমাং লোকা ঘৃতপৃষ্ঠাঃ স্বর্গাঃ কামংকামং যজমানায় দুহ্রাম্ ॥৫॥

4.6

ধ্রুব আ রোহ পৃথিবীং বিশ্বভোজসমন্তরিক্ষমুপভৃদা ক্রমস্ব ।
জুহু দ্যাং গচ্ছ যজমানেন সাকং স্রুবেণ বত্সেন দিশঃ প্রপীনাঃ সর্বা ধুক্ষ্বাহৃণ্যমানঃ ॥৬॥

4.7

তীর্থৈস্তরন্তি প্রবতো মহীরিতি যজ্ঞকৃতঃ সুকৃতো যেন যন্তি ।
অত্রাদধুর্যজমানায় লোকং দিশো ভূতানি যদকল্পয়ন্ত ॥৭॥

4.8

অঙ্গিরসাময়নং পূর্বো অগ্নিরাদিত্যানাময়নং গার্হপত্যো দক্ষিণানাময়নং দক্ষিণাগ্নিঃ ।
মহিমানমগ্নের্বিহিতস্য ব্রহ্মণা সমঙ্গঃ সর্ব উপ যাহি শগ্মঃ ॥৮॥

4.9

পূর্বো অগ্নিষ্ট্বা তপতু শং পুরস্তাচ্ছং পশ্চাৎ তপতু গার্হপত্যঃ ।
দক্ষিণাগ্নিষ্টে তপতু শর্ম বর্মোত্তরতো মধ্যতো অন্তরিক্ষাদ্ দিশোদিশো অগ্নে পরি পাহি ঘোরাৎ ॥৯॥

4.10

যূয়মগ্নে শংতমাভিস্তনূভিরীজানমভি লোকং স্বর্গম্।
অশ্বা ভূত্বা পৃষ্টিবাহো বহাথ যত্র দেবৈঃ সধমাদং মদন্তি ॥১০॥

4.11

শমগ্নে পশ্চাৎ তপ শং পুরস্তাচ্ছমুত্তরাচ্ছমধরাৎ তপৈনম্।
একস্ত্রেধা বিহিতো জাতবেদঃ সম্যগেনং ধেহি সুকৃতামু লোকে ॥১১॥

4.12

শমগ্নয়ঃ সমিদ্ধা আ রভন্তাং প্রাজাপত্যং মেধ্যং জাতবেদসঃ ।
শৃতং কৃণ্বন্ত ইহ মাব চিক্ষিপন্ ॥১২॥

4.13

যজ্ঞ এতি বিততঃ কল্পমান ঈজানমভি লোকং স্বর্গম্।
তমগ্নয়ঃ সর্বহুতং জুষন্তাং প্রাজাপত্যং মেধ্যং জাতবেদসঃ ॥১৩॥

4.14

ঈজানশ্চিতমারুক্ষদগ্নিং নাকস্য পৃষ্ঠাদ্ দিবমুৎ পতিষ্যন্।
তস্মৈ প্র ভাতি নভসো জ্যোতিষীমান্ত্স্বর্গঃ পন্থাঃ সুকৃতে দেবয়ানঃ ॥১৪॥

4.15

অগ্নির্হোতাধ্বর্যুষ্টে বহস্পতিরিন্দ্রো ব্রহ্মা দক্ষিণতস্তে অস্তু ।
হুতোঽয়ং সংস্থিতো যজ্ঞ এতি যত্র পূর্বময়নং হুতানাম্ ॥১৫॥

4.16

অপূপবান্ ক্ষীরবাংশ্চরুরেহ সীদতু ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥১৬॥

4.17

অপূপবান্ দধিবাংশ্চরুরেহ সীদতু ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥১৭॥

4.18

অপূপবান্ দ্রপ্সবাংশ্চরুরেহ সীদতু ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥১৮॥

4.19

অপূপবান্ ঘৃতবাংশ্চরুরেহ সীদতু ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥১৯॥

4.20

অপূপবান্ মাংসবাংশ্চরুরেহ সীদতু ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥২০॥

4.21

অপূপবানন্নবাংশ্চরুরেহ সীদতু ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥২১॥

4.22

অপূপবান্ মধুমাংশ্চরুরেহ সীদতু ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥২২॥

4.23

অপূপবান্ রসবাংশ্চরুরেহ সীদতু ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥২৩॥

4.24

অপূপবানপবাংশ্চরুরেহ সীদতু ।
লোককৃতঃ পথিকৃতো যজামহে যে দেবানাং হুতভাগা ইহ স্থ ॥২৪॥

4.25

অপূপাপিহিতান্ কুম্ভান্ যাংস্তে দেবা অধারয়ন্।
তে তে সন্তু স্বধাবন্তো মধুমন্তো ঘৃতশ্চুতঃ ॥২৫॥

4.26

যাস্তে ধানা অনুকিরামি তিলমিশ্রাঃ স্বধাবতীঃ ।
তাস্তে সন্তূদ্ভ্বীঃ প্রভ্বীস্তাস্তে যমো রাজানু মন্যতাম্ ॥২৬॥

4.27

অক্ষিতিং ভূয়সীম্ ॥২৭॥

4.28

দ্রপ্সশ্চস্কন্দ পৃথিবীমনু দ্যামিমং চ যোনিমনু যশ্চ পূর্বঃ ।
সমানং যোনিমনু সংচরন্তং দ্রপ্সং জুহোম্যনু সপ্ত হোত্রাঃ ॥২৮॥

4.29

শতধারং বায়ুমর্কং স্বর্বিদং নৃচক্ষসস্তে অভি চক্ষতে রয়িম্।
যে পৃণন্তি প্র চ যচ্ছন্তি সর্বদা তে দুহ্রতে দক্ষিণাং সপ্তমাতরম্ ॥২৯॥

4.30

কোশং দুহন্তি কলশং চতুর্বিলমিডাং ধেনুং মধুমতীং স্বস্তয়ে ।
ঊর্জং মদন্তীমদিতিং জনেষ্বগ্নে মা হিংসীঃ পরমে ব্যোঽমন্ ॥৩০॥

4.31

এতৎ তে দেবঃ সবিতা বাসো দদাতি ভর্তবে ।
তৎ ত্বং যমস্য রাজ্যে বসানস্তার্প্যংঽ চর ॥৩১॥

4.32

ধানা ধেনুরভবদ্ বত্সো অস্যাস্তিলোঽভবৎ।
তাং বৈ যমস্য রাজ্যে অক্ষিতামুপ জীবতি ॥৩২॥

4.33

এতাস্তে অসৌ ধেনবঃ কামদুঘা ভবন্তু ।
এনীঃ শ্যেনীঃ সরূপা বিরূপাস্তিলবত্সা উপ তিষ্ঠন্তু ত্বাত্র ॥৩৩॥

4.34

এনীর্ধানা হরিণীঃ শ্যেনীরস্য কৃষ্ণা ধানা রোহিণীর্ধেনবস্তে ।
তিলবত্সা ঊর্জমস্মৈ দুহানা বিশ্বাহা সন্ত্বনপস্ফুরন্তীঃ ॥৩৪॥

4.35

বৈশ্বানরে হবিরিদং জুহোমি সাহস্রং শতধারমুত্সম্।
স বিভর্তি পিতরং পিতামহান্ প্রপিতামহান্ বিভর্তি পিন্বমানঃ ॥৩৫॥

4.36

সহস্রধারং শতধারমুত্সমক্ষিতং ব্যচ্যমানং সলিলস্য পৃষ্ঠে।
ঊর্জং দুহানমনপস্ফুরন্তমুপাসতে পিতরঃ স্বধাভিঃ ॥৩৬॥

4.37

ইদং কসাম্বু চয়নেন চিতং তৎ সজাতা অব পশ্যতেত ।
মর্ত্যোঽয়মমৃতত্বমেতি তস্মৈ গৃহান্ কৃণুত যাবত্সবন্ধু ॥৩৭॥

4.38

ইহৈবৈধি ধনসনিরিহচিত্ত ইহক্রতুঃ ।
ইহৈধি বীর্যঽবত্তরো বয়োধা অপরাহতঃ ॥৩৮॥

4.39

পুত্রং পৌত্রমভিতর্পয়ন্তীরাপো মধুমতীরিমাঃ ।
স্বধাং পিতৃভ্যো অমৃতং দুহানা আপো দেবীরুভয়াংস্তর্পয়ন্তু ॥৩৯॥

4.40

আপো অগ্নিং প্র হিণুত পিতৄংরুপেমং যজ্ঞং পিতরো মে জুষন্তাম্।
আসীনামূর্জমুপ যে সচন্তে তে নো রয়িং সর্ববীরং নি যচ্ছান্ ॥৪০॥

4.41

সমিন্ধতে অমর্ত্যং হব্যবাহং ঘৃতপ্রিয়ম্।
স বেদ নিহিতান্নিধীন্ পিতৄন্ পরাবতো গতান্ ॥৪১॥

4.42

যং তে মন্থং যমোদনং যন্মাংসং নিপৃণামি তে ।
তে তে সন্তু স্বধাবন্তো মধুমন্তো ঘৃতশ্চুতঃ ॥৪২॥

4.43

যাস্তে ধানা অনুকিরামি তিলমিশ্রাঃ স্বধাবতীঃ ।
তাস্তে সন্তূদ্ভ্বীঃ প্রভ্বীস্তাস্তে যমো রাজানু মন্যতাম্ ॥৪৩॥

4.44

ইদং পূর্বমপরং নিয়ানং যেনা তে পূর্বে পিতরঃ পরেতাঃ ।
পুরোগবা যে অভিশাচো অস্য তে ত্বা বহন্তি সুকৃতামু লোকম্ ॥৪৪॥

4.45

সরস্বতীং দেবয়ন্তো হবন্তে সরস্বতীমধ্বরে তায়মানে ।
সরস্বতীং সুকৃতো হবন্তে সরস্বতী দাশুষে বার্যং দাৎ ॥৪৫॥

4.46

সরস্বতীং পিতরো হবন্তে দক্ষিণা যজ্ঞমভিনক্ষমাণাঃ ।
আসদ্যাস্মিন্ বর্হিষি মাদয়ধ্বমনমীবা ইষ আ ধেহ্যস্মে ॥৪৬॥

4.47

সরস্বতি যা সরথং যয়াথোক্থৈঃ স্বধাভির্দেবি পিতৃভির্মদন্তী ।
সহস্রার্ঘমিডো অত্র ভাগং রায়স্পোষং যজমানায় ধেহি ॥৪৭॥

4.48

পৃথিবীং ত্বা পৃথিব্যামা বেশয়ামি দেবো নো ধাতা প্র তিরাত্যায়ুঃ ।
পরাপরৈতা বসুবিদ্ বো অস্ত্বধা মৃতাঃ পিতৃষু সং ভবন্তু ॥৪৮॥

4.49

আ প্র চ্যবেথামপ তন্মৃজেথাং যদ্ বামভিভা অত্রোচুঃ ।
অস্মাদেতমঘ্ন্যৌ তদ্ বশীয়ো দাতুঃ পিতৃষ্বিহভোজনৌ মম ॥৪৯॥

4.50

এয়মগন্ দক্ষিণা ভদ্রতো নো অনেন দত্তা সুদুঘা বয়োধাঃ ।
যৌবনে জীবানুপপৃঞ্চতী জরা পিতৃভ্য উপসংপরাণয়াদিমান্ ॥৫০॥

4.51

ইদং পিতৃভ্যঃ প্র ভরামি বর্হির্জীবং দেবেভ্য উত্তরং স্তৃণামি ।
তদা রোহ পুরুষ মেধ্যো ভবন্ প্রতি ত্বা জানন্তু পিতরঃ পরেতম্ ॥৫১॥

4.52

এদং বর্হিরসদো মেধ্যোঽভূঃ প্রতি ত্বা জানন্তু পিতরঃ পরেতম্।
যথাপরু তন্বং১ সং ভরস্ব গাত্রাণি তে ব্রহ্মণা কল্পয়ামি ॥৫২॥

4.53

পর্ণো রাজাপিধানং চরূণামূর্জো বলং সহ ওজো ন আগন্।
আয়ুর্জীবেভ্যো বিদধদ্ দীর্ঘায়ুত্বায় শতশারদায় ॥৫৩॥

4.54

ঊর্জো ভাগো য ইমং জজানাশ্মান্নানামাধিপত্যং জগাম ।
তমর্চত বিশ্বমিত্রা হবির্ভিঃ স নো যমঃ প্রতরং জীবসে ধাৎ ॥৫৪॥

4.55

যথা যমায় হর্ম্যমবপন্ পঞ্চ মানবাঃ ।
এবা বপামি হর্ম্যং যথা মে ভূরয়োঽসত ॥৫৫॥

4.56

ইদং হিরণ্যং বিভৃহি যৎ তে পিতাবিভঃ পুরা।
স্বর্গং যতঃ পিতুর্হস্তং নির্মৃড্ঢি দক্ষিণম্ ॥৫৬॥

4.57

যে চ জীবা যে চ মৃতা যে জাতা যে চ যজ্ঞিয়াঃ ।
তেভ্যো ঘৃতস্য কুল্যৈঽতু মধুধারা ব্যুন্দতী ॥৫৭॥

4.58

বৃষা মতীনাং পবতে বিচক্ষণঃ সূরো অহ্নাং প্রতরীতোষসাং দিবঃ ।
প্রাণঃ সিন্ধূনাং কলশাঁ অচিক্রদদিন্দ্রস্য হার্দিমাবিশন্ মনীষয়া ॥৫৮॥

4.59

ত্বেষস্তে ধূম ঊর্ণোতু দিবি ষংচ্ছুক্র আততঃ ।
সূরো ন হি দ্যুতা ত্বং কৃপা পাবক রোচসে ॥৫৯॥

4.60

প্র বা এতীন্দুরিন্দ্রস্য নিষ্কৃতিং সখা সখ্যুর্ন প্র মিনাতি সংগিরঃ ।
মর্য ইব যোষাঃ সমর্ষসে সোমঃ কলশে শতয়ামনা পথা ॥৬০॥

4.61

অক্ষন্নমীমদন্ত হ্যব প্রিয়াং অধূষত ।
অস্তোষত স্বভানবো বিপ্রা যবিষ্ঠা ঈমহে ॥৬১॥

4.62

আ যাত পিতরঃ সোম্যাসো গম্ভীরৈঃ পথিভিঃ পিতৃয়াণৈঃ ।
আয়ুরস্মভ্যং দধতঃ প্রজাং চ রায়শ্চ পোষৈরভি নঃ সচধ্বম্ ॥৬২॥

4.63

পরা যাত পিতরঃ সোম্যাসো গম্ভীরৈঃ পথিভিঃ পূর্যাণৈঃ ।
অধা মাসি পুনরা যাত নো গৃহান্ হবিরত্তুং সুপ্রজসঃ সুবীরাঃ ॥৬৩॥

4.64

যদ্ বো অগ্নিরজহাদেকমঙ্গং পিতৃলোকং গময়ং জাতবেদাঃ ।
তদ্ ব এতৎ পুনরা প্যায়য়ামি সাঙ্গাঃ স্বর্গে পিতরো মাদয়ধ্বম্ ॥৬৪॥

4.65

অভূদ্ দূতঃ প্রহিতো জাতবেদাঃ সায়ং ন্যহ্ন উপবন্দ্যো নৃভিঃ ।
প্রাদাঃ পিতৃভ্যঃ স্বধয়া তে অক্ষন্নদ্ধি ত্বং দেব প্রয়তা হবীংষি ॥৬৫॥

4.66

অসৌ হা ইহ তে মনঃ ককুত্সলমিব জাময়ঃ ।
অভ্যেঽনং ভূম ঊর্ণুহি ॥৬৬॥

4.67

শুম্ভন্তাং লোকাঃ পিতৃষদনাঃ পিতৃষদনে ত্বা লোক আ সাদয়ামি ॥৬৭॥

4.68

যে৩স্মাকং পিতরস্তেষাং বর্হিরসি ॥৬৮॥

4.69

উদুত্তমং বরুণ পাশমস্মদবাধমং বি মধ্যমং শ্রথায় ।
অধা বয়মাদিত্য ব্রতে তবানাগসো অদিতয়ে স্যাম ॥৬৯॥

4.70

প্রাস্মৎ পাশান্ বরুণ মুঞ্চ সর্বান্ যৈঃ সমামে বধ্যতে যৈর্ব্যামে।
অধা জীবেম শরদং শতানি ত্বয়া রাজন্ গুপিতা রক্ষমাণাঃ ॥৭০॥

4.71

অগ্নয়ে কব্যবাহনায় স্বধা নমঃ ॥৭১॥

4.72

সোমায় পিতৃমতে স্বধা নমঃ ॥৭২॥

4.73

পিতৃভ্যঃ সোমবদ্ভ্যঃ স্বধা নমঃ ॥৭৩॥

4.74

যমায় পিতৃমতে স্বধা নমঃ ॥৭৪॥

4.75

এতৎ তে প্রততামহ স্বধা যে চ ত্বামনু ॥৭৫॥

4.76

এৎ তে ততামহ স্বধা যে চ ত্বামনু ॥৭৬॥

4.77

এতৎ তে তত স্বধা ॥৭৭॥

4.78

স্বধা পিতৃভ্যঃ পৃথিবিষদ্ভ্যঃ ॥৭৮॥

4.79

স্বধা পিতৃভ্যো অন্তরিক্ষসদ্ভ্যঃ ॥৭৯॥

4.80

স্বধা পিতৃভ্যো দিবিষদ্ভ্যঃ ॥৮০॥

4.81

নমো বঃ পিতর ঊর্জে নমো বঃ পিতরো রসায় ॥৮১॥

4.82

নমো বঃ পিতরো ভামায় নমো বঃ পিতরো মন্যবে ॥৮২॥

4.83

নমো বঃ পিতরো যদ্ ঘোরং তস্মৈ নমো বঃ পিতরো যৎ ক্রূরং তস্মৈ ॥৮৩॥

4.84

নমো বঃ পিতরো যচ্ছিবং তস্মৈ নমো বঃ পিতরো যৎ স্যোনং তস্মৈ ॥৮৪॥

4.85

নমো বঃ পিতরঃ স্বধা বঃ পিতরঃ ॥৮৫॥

4.86

যেঽত্র পিতরঃ পিতরো যেঽত্র যূয়ং স্থ যুষ্মাংস্তেঽনু যূয়ং তেষাং শ্রেষ্ঠা ভূয়াস্থ ॥৮৬॥

4.87

য ইহ পিতরো জীবা ইহ বয়ং স্মঃ ।
অস্মাংস্তেঽনু বয়ং তেষাং শ্রেষ্ঠা ভূয়াস্ম ॥৮৭॥

4.88

আ ত্বাগ্ন ইধীমহি দ্যুমন্তং দেবাজরম্।
যদ্ ঘ সা তে পনীয়সী সমিদ্ দীদয়তি দ্যবি ।
ইষং স্তোতৃভ্য আ ভর ॥৮৮॥

4.89

চন্দ্রমা অপ্স্ব১ন্তরা সুপর্ণো ধাবতে দিবি।
ন বো হিরণ্যনেময়ঃ পদং বিন্দন্তি বিদ্যুতো বিত্তং মে অস্য রোদসী ॥৮৯॥