সূক্ত 3

3.1

১-১১ অথর্বা। অধ্যাত্মং, ব্রাত্যঃ। ১ পিপীলিকমধ্যা গায়ত্রী; ২ সাম্নী উষ্ণিক্; ৩ যাজুষী জগতী; ৪ দ্বিপদাঽর্চ্যুষ্ণিক্; ৫ আর্চী বৃহতী; ৬ আসুর্যনুষ্টুপ্; ৭ সাম্নী গায়ত্রী; ৮ আসুরী পঙ্ক্তিঃ; ৯ আসুরী জগতী; ১০ প্রাজাপত্যা ত্রিষ্টুপ্; ১১ বিরাড্ গায়ত্রী।

স সংবত্সরমূর্ধ্বোঽতিষ্ঠৎ তং দেবা অব্রুবন্ ব্রাত্য কিং নু তিষ্ঠসীতি ॥১॥

3.2

সোঽব্রবীদাসন্দীং মে সং ভরন্ত্বিতি ॥২॥

3.3

তস্মৈ ব্রাত্যায়াসন্দীং সমভরন্ ॥৩॥

3.4

তস্যা গ্রীষ্মশ্চ বসন্তশ্চ দ্বৌ পাদাবাস্তাং শরচ্চ বর্ষাশ্চ দ্বৌ ॥৪॥

3.5

বৃহচ্চ রথংতরং চানূচ্যে৩ আস্তাং যজ্ঞায়জ্ঞিয়ং চ বামদেব্যং চ তিরশ্চ্যে ॥৫॥

3.6

ঋচঃ প্রাঞ্চস্তন্তবো যজূংষি তির্যঞ্চঃ ॥৬॥

3.7

বেদ আস্তরণং ব্রহ্মোপবর্হণম্ ॥৭॥

3.8

সামাসাদ উদ্গীথোঽপশ্রয়ঃ ॥৮॥

3.9

তামাসন্দীং ব্রাত্য আরোহৎ ॥৯॥

3.10

তস্য দেবজনাঃ পরিষ্কন্দা আসন্ত্সংকল্পাঃ প্রহায্যা৩ বিশ্বানি ভূতান্যুপসদঃ ॥১০॥

3.11

বিশ্বান্যেবাস্য ভূতান্যুপসদো ভবন্তি য এবং বেদ ॥১১॥