সূক্ত 2

2.1

১-৩২ অথর্বা। অধ্যাত্মং, ব্রাত্যঃ। ১, ৬, ৯, ১৭, ২৫, ৩০ সাম্ন্যনুষ্টুপ্; ২, ১৮, ২৬ সাম্নী ত্রিষ্টুপ্; ৩ দ্বিপদাঽর্ষী পঙ্ক্তিঃ ৪, ২০, ২৮ দ্বিপদা ব্রাহ্মী গায়ত্রী; ৫, ১৩ ২১, ২৯, দ্বিপদাঽর্চী গায়ত্রী; ১৪ সাম্নী পঙ্ক্তিঃ ২২ আসুরী গায়ত্রী; ৭, ১৫, ২৩, ৩১ পদপঙ্ক্তিঃ; ৮, ১৬, ২৪, ৩২ ত্রিপদা প্রাজাপত্যা ত্রিষ্টুপ্; ১০ একপদা উষ্ণিক্; ১১ দ্বিপদাঽর্ষী ভুরিক্ ত্রিষ্টুপ্ ১২ আর্ষী পরাঽনুষ্টুপ্; ১৯ দ্বিপদা বিরাডার্ষী পঙ্ক্তিঃ; ২৭ নিচৃদার্ষী পঙ্ক্তিঃ।

স উদতিষ্ঠৎ স প্রাচীং দিশমনু ব্যঽচলৎ ॥১॥

2.2

তং বৃহচ্চ রথংতরং চাদিত্যাশ্চ বিশ্বে চ দেবা অনুব্যঽ চলন্ ॥২॥

2.3

বৃহতে চ বৈ স রথংতরায় চাদিত্যেভ্যশ্চ বিশ্বেভ্যশ্চ দেবেভ্য
আ বৃশ্চতে য এবং বিদ্বাংসং ব্রাত্যমুপবদতি ॥৩॥

2.4

বৃহতশ্চ বৈ স রথংতরস্য চাদিত্যানাং চ বিশ্বেষাং চ
দেবানাং প্রিয়ং ধাম ভবতি তস্য প্রাচ্যাং দিশি ॥৪॥

2.5

শ্রদ্ধা পুংশ্চলী মিত্রো মাগধো বিজ্ঞানং বাসোঽহরুষ্ণীষং
রাত্রী কেশা হরিতৌ প্রবর্তৌ কল্মলির্মণিঃ ॥৫॥

2.6

ভূতং চ ভবিষ্যচ্চ পরিষ্কন্দৌ মনো বিপথম্ ॥৬॥

2.7

মাতরিশ্বা চ পবমানশ্চ বিপথবাহৌ বাতঃ সারথী রেষ্মা প্রতোদঃ ॥৭॥

2.8

কীর্তিশ্চ যশশ্চ পুরঃসরাবৈনং কীর্তির্গচ্ছত্যা যশো গচ্ছতি
য এবং বেদ ॥৮॥

2.9

স উদতিষ্ঠৎ স দক্ষিণাং দিশমনু ব্যঽচলৎ ॥৯॥

2.10

তং যজ্ঞায়জ্ঞিয়ং চ বামদেব্যং চ যজ্ঞশ্চ যজমানশ্চ পশবশ্চানুব্যঽচলন্ ॥১০॥

2.11

যজ্ঞায়জ্ঞিয়ায় চ বৈ স বামদেব্যায় চ যজ্ঞায় চ যজমানায় চ পশুভ্যশ্চা বৃশ্চতে য এবং বিদ্বাংসং ব্রাত্যমুপবদতি ॥১১॥

2.12

যজ্ঞায়জ্ঞিয়স্য চ বৈ স বামদেব্যস্য চ যজ্ঞস্য চ যজমানস্য চ পশূনাং চ প্রিয়ং ধাম ভবতি তস্য দক্ষিণায়াং দিশি ॥১২॥

2.13

উষাঃ পুংশ্চলী মন্ত্রো মাগধো বিজ্ঞানং বাসোঽহরুষ্ণীষং রাত্রী
কেশা হরিতৌ প্রবর্তৌ কল্মলির্মণিঃ ॥১৩॥

2.14

অমাবাস্যাঽ চ পৌর্ণমাসী চ পরিষ্কন্দৌ মনো বিপথম্ ॥১৪॥

2.15

মাতরিশ্বা চ পবমানশ্চ বিপথবাহৌ বাতঃ সারথী রেষ্মা প্রতোদঃ ॥১৫॥

2.16

কীর্তিশ্চ যশশ্চ পুরঃসরাবৈনং কীর্তির্গচ্ছত্যা যশো গচ্ছতি
য এবং বেদ ॥১৬॥

2.17

স উদতিষ্ঠৎ স প্রতীচীং দিশমনু ব্যঽচলৎ ॥১৭॥

2.18

তং বৈরূপং চ বৈরাজং চাপশ্চ বরুণশ্চ রাজানুব্যঽচলন্ ॥১৮॥

2.19

বৈরূপায় চ বৈ স বৈরাজায় চাদ্ভ্যশ্চ বরুণায় চ রাজ্ঞ আ
বৃশ্চতে য এবং বিদ্বাংসং ব্রাত্যমুপবদতি ॥১৯॥

2.20

বৈরূপস্য চ বৈ স বৈরাজস্য চাপাং চ বরুণস্য চ রাজ্ঞঃ প্রিয়ং
ধাম ভবতি তস্য প্রতীচ্যাং দিশী ॥২০॥

2.21

ইরা পুংশ্চলী হসো মাগধো বিজ্ঞানং বাসোঽহরুষ্ণীষং রাত্রী কেশা
হরিতৌ প্রবর্তৌ কল্মলির্মণিঃ ॥২১॥

2.22

অহশ্চ রাত্রী চ পরিষ্কন্দৌ মনো বিপথম্ ॥২২॥

2.23

মাতরিশ্বা চ পবমানশ্চ বিপথবাহৌ বাতঃ সারথী রেষ্মা প্রতোদঃ ॥২৩॥

2.24

কীর্তিশ্চ যশশ্চ পুরঃসরাবৈনং কীর্তির্গচ্ছত্যা যশো গচ্ছতি য এবং বেদ ॥২৪॥

2.25

স উদতিষ্ঠৎ স উদীচীং দিশমনু ব্যঽ চলৎ ॥২৫॥

2.26

তং শ্যৈতং চ নৌধসং চ সপ্তর্ষয়শ্চ সোমশ্চ রাজানুব্যঽচলন্ ॥২৬॥

2.27

শ্যৈতায় চ বৈ স নৌধসায় চ সপ্তর্ষিভ্যশ্চ সোমায় চ রাজ্ঞ
আ বৃশ্চতে য এবং বিদ্বাংসং ব্রাত্যমুপবদতি ॥২৭॥

2.28

শ্যৈতস্য চ বৈ স নৌধসস্য চ সপ্তর্ষীণাং চ সোমস্য চ রাজ্ঞঃ
প্রিয়ং ধাম ভবতি তস্যোদীচ্যাং দিশি ॥২৮॥

2.29

বিদ্যুৎ পুংশ্চলী স্তনয়িত্নুর্মাগধো বিজ্ঞানং বাসোঽহরুষ্ণীষং রাত্রী
কেশা হরিতৌ প্রবর্তৌ কল্মলির্মণিঃ ॥২৯॥

2.30

শ্রুতং চ বিশ্রুতং চ পরিষ্কন্দৌ মনো বিপথম্ ॥৩০॥

2.31

মাতরিশ্বা চ পবমানশ্চ বিপথবাহৌ বাতঃ সারথী রেষ্মা প্রতোদঃ ॥৩১॥

2.32

কীর্তিশ্চ যশশ্চ পুরঃসরাবৈনং কীর্তির্গচ্ছত্যা যশো গচ্ছতি য এবং বেদ ॥৩২॥