সূক্ত 4

4.1

১-১৮ অথর্বা। অধ্যাত্মং, ব্রাত্যঃ। ১, ১৩, ১৬ দৈবী জগতী; ৪, ৭, ১০ প্রাজাপত্যা গায়ত্রী; ২, ৮ আর্চী অনুষ্টুপ্; ৩, ১২ দ্বিপদা প্রাজাপত্যা জগতী; ৫ প্রাজাপত্যা পঙ্ক্তিঃ, ৬ আর্চী গায়ত্রী, ৯ ভৌমার্চী ত্রিষ্টুপ্, ১১ সাম্নী ত্রিষ্টুপ্, ১৪ প্রাজাপত্যা বৃহতী; ১৫, ১৮ দ্বিপদাঽর্চী পঙ্ক্তিঃ ১৭ আর্চী উষ্ণিক্।

তস্মৈ প্রাচ্যা দিশঃ ॥১॥

4.2

বাসন্তৌ মাসৌ গোপ্তারাবকুর্বন্ বৃহচ্চ রথংতরং চানুষ্ঠাতারৌ ॥২॥

4.3

বাসন্তাবেনং মাসৌ প্রাচ্যা দিশো গোপায়তো বৃহচ্চ রথংতরং চানু তিষ্ঠতো য এবং বেদ ॥৩॥

4.4

তস্মৈ দক্ষিণায়া দিশঃ ॥৪॥

4.5

গ্রৈষ্মৌ মাসৌ গোপ্তারাবকুর্বন্ যজ্ঞায়জ্ঞিয়ং চ বামদেব্যং চানুষ্ঠাতারৌ ॥৫॥

4.6

গ্রৈষ্মাবেনং মাসৌ দক্ষিণায়া দিশো গোপায়তো যজ্ঞায়জ্ঞিয়ং চ বামদেব্যং চানু তিষ্ঠতো য এবং বেদ ॥৬॥

4.7

তস্মৈ প্রতীচ্যা দিশঃ ॥৭॥

4.8

বার্ষিকৌ মাসৌ গোপ্তারাবকুর্বন্ বৈরূপং চ বৈরাজং চানুষ্ঠাতারৌ ॥৮॥

4.9

বার্ষিকাবেনং মাসৌ প্রতীচ্যা দিশো গোপায়তো বৈরূপং চ বৈরাজং চানু তিষ্ঠতো য এবং বেদ ॥৯॥

4.10

তস্মা উদীচ্যা দিশঃ ॥১০॥

4.11

শারদৌ মাসৌ গোপ্তারাবকুর্বংছ্যৈতং চ নৌধসং চানুষ্ঠাতারৌ ॥১১॥

4.12

শারদাবেনং মাসাবুদীচ্যা দিশো গোপায়তঃ শ্যৈতং চ নৌধসং চানু তিষ্ঠতো য এবং বেদ ॥১২॥

4.13

তস্মৈ ধ্রুবায়া দিশঃ ॥১৩॥

4.14

হৈমনৌ মাসৌ গোপ্তারাবকুর্বন্ ভূমিং চাগ্নিং চানুষ্ঠাতারৌ ॥১৪॥

4.15

হৈমনাবেনং মাসৌ ধ্রুবায়া দিশো গোপায়তো ভূমিশ্চাগ্নিশ্চানু তিষ্ঠতো য এবং বেদ ॥১৫॥

4.16

তস্মা ঊর্ধ্বায়া দিশঃ ॥১৬॥

4.17

শৈশিরৌ মাসৌ গোপ্তারাবকুর্বন্ দিবং চাদিত্যং চানুষ্ঠাতারৌ ॥১৭॥

4.18

শৈশিরাবেনং মাসাবূর্ধ্বায়া দিশো গোপায়তো দ্যৌশ্চাদিত্যশ্চানু তিষ্ঠতো য এবং বেদ ॥১৮॥