সূক্ত 5

5.1

১-২১ অথর্বা। রুদ্রঃ। ১ ত্রিপদা সমবিষমা গায়ত্রী; ২ ত্রিপদা ভুরিগার্চী ত্রিষ্টুপ্; ৩,৬, ৯,১২,১৫,১৮,২১ দ্বিপদা প্রাজাপত্যাঽনুষ্টুপ্; ৪ ত্রিপদা স্বরাট্ প্রাজাপত্যা পঙ্ক্তিঃ; ৫,৮,১১,১৭ ত্রিপদা ব্রাহ্মী গায়ত্রী; ৭, ১০, ১৬ ত্রিপদা ককুপ্; ১৩, ১৯ ভুরিগ্ বিষমা গায়ত্রী; ১৪ নিচৃদ্ব্রাহ্মী গায়ত্রী; ২০ বিরাট্।

তস্মৈ প্রাচ্যা দিশো অন্তর্দেশাদ্ ভবমিষ্বাসমনুষ্ঠাতারমকুর্বন্ ॥১॥

5.2

ভব এনমিষ্বাসঃ প্রাচ্যা দিশো অন্তর্দেশাদনুষ্ঠাতানু তিষ্ঠতি নৈনং শর্বো ন ভবো নেশানঃ ॥২॥

5.3

নাস্য পশূন্ ন সমানান্ হিনস্তি য এবং বেদ ॥৩॥

5.4

তস্মৈ দক্ষিণায়া দিশো অন্তর্দেশাচ্ছর্বমিষ্বাসমনুষ্ঠাতারমকুর্বন্ ॥৪॥

5.5

শর্ব এনমিশ্বাসো দক্ষিণায়া দিশো অন্তর্দেশাদনুষ্ঠাতানু তিষ্ঠতি নৈনং শর্বো ন ভবো নেশানঃ ॥৫॥

5.6

নাস্য পশূন্ ন সমানান্ হিনস্তি য এবং বেদ ॥৬॥

5.7

তস্মৈ প্রতীচ্যা দিশো অন্তর্দেশাৎ পশুপতিমিষ্বাসমনুষ্ঠাতারমকুর্বন্ ॥৭॥

5.8

পশুপতিরেনমিষ্বাসঃ প্রতীচ্যা দিশো অন্তর্দেশাদনুষ্ঠাতানু তিষ্ঠতি নৈনং শর্বো ন ভবো নেশানঃ ॥৮॥

5.9

নাস্য পশূন্ ন সমানান্ হিনস্তি য এবং বেদ ॥৯॥

5.10

তস্মা উদীচ্যা দিশো অন্তর্দেশাদগ্রং দেবমিষ্বাসমনুষ্ঠাতারমকুর্বন্ ॥১০॥

5.11

উগ্র এনং দেব ইষ্বাস উদীচ্যা দিশো অন্তর্দেশাদনুষ্ঠাতানু তিষ্ঠতি নৈনং শর্বো ন ভবো নেশান ॥১১॥

5.12

নাস্য পশূন্ ন সমানান্ হিনস্তি য এবং বেদ ॥১২॥

5.13

তস্মৈ ধ্রুবায়া দিশো অন্তর্দেশাদ্ রুদ্রমিষ্বাসমনুষ্ঠাতারমকুর্বন্ ॥১৩॥

5.14

রুদ্র এনমিষ্বাসো ধ্রুবায়া দিশো অন্তর্দেশাদনুষ্ঠাতানু তিষ্ঠতি নৈনং শর্বো ন ভবো নেশানঃ ॥১৪॥

5.15

নাস্য পশূন্ ন সমানান্ হিনস্তি য এবং বেদ ॥১৫॥

5.16

তস্মা ঊর্ধ্বায়া দিশো অন্তর্দেশান্মহাদেবমিষ্বাসমনুষ্ঠাতারমকুর্বন্ ॥১৬॥

5.17

মহাদেব এনমিষ্বাস ঊর্ধ্বায়া দিশো অন্তর্দেশাদনুষ্ঠাতানু তিষ্ঠতি নৈনং শর্বো ন ভবো নেশানঃ ॥১৭॥

5.18

নাস্য পশূন্ ন সমানান্ হিনস্তি য এবং বেদ ॥১৮॥

5.19

তস্মৈ সর্বেভ্যো অন্তর্দেশেভ্য ঈশানমিষ্বাসমনুষ্ঠাতারমকুর্বন্ ॥১৯॥

5.20

ঈশান এনমিষ্বাসঃ সর্বেভ্যো অন্তর্দেশেভ্যোঽনুষ্ঠাতানু তিষ্ঠতি নৈনং শর্বো ন ভবো নেশানঃ ॥২০॥

5.21

নাস্য পশূন্ ন সমানান্ হিনস্তি য এবং বেদ ॥২১॥