সূক্ত 6

6.1

১-২৭ অথর্বা। অধ্যাতমং, ব্রাত্যঃ। ১,৪ আসুরী পঙ্ক্তিঃ; ৭, ১০, ১৩, ১৬, ২৫ আসুরী বৃহতী; ২২-৩৩ পরোষ্ণিক্; ২,১৭ আর্চী পঙ্ক্তিঃ; ১৯ আর্চ্যুষ্ণিক্; ৫, ১১ সাম্নী ত্রিষ্টুপ্; ৮ সাম্নী পঙ্ক্তিঃ; ১৪,২৪ আর্চী ত্রিষ্টুপ্; ২০ সাম্নয়নুষ্টুপ্; ২৬ আর্চ্যনুষ্টুপ্; ৩ আর্ষী পঙ্ক্তিঃ; ৬, ১২ নিচৃদ্বহতী; ৯ প্রাজাপত্যা ত্রিষ্টুপ্; ১৫, ১৮ বিরাট্ জগতী; ২১ আর্চী বৃহতী; ২৭ বিরাড্ বৃহতী।

স ধ্রুবাং দিশমনু ব্যঽচলৎ ॥১॥

6.2

তং ভূমিশ্চাগ্নিশ্চৌষধয়শ্চ বনস্পতয়শ্চ বানস্পত্যাশ্চ বীরুধশ্চানুব্যঽচলন্ ॥২॥

6.3

ভূমেশ্চ বৈ সো৩গ্নেশ্চৌষধীনাং চ বনস্পতীনাং চ বানস্পত্যানাং ।
চ বীরুধাং চ প্রিয়ং ধাম ভবতি য এবং বেদ ॥৩॥

6.4

স ঊর্ধ্বাং দিশমনু ব্যঽচলৎ ॥৪॥

6.5

তমৃতং চ সত্যং চ সূর্যশ্চ চন্দ্রশ্চ নক্ষত্রাণি চানুব্যচলন্ ॥৫॥

6.6

ঋতস্য চ বৈ স সত্যস্য চ সূর্যস্য চ চন্দ্রস্য চ নক্ষত্রাণাং চ ।
প্রিয়ং ধাম ভবতি য এবং বেদ ॥৬॥

6.7

স উত্তমাং দিশমনু ব্যঽচলৎ ॥৭॥

6.8

তমৃচশ্চ সামানি চ যজূংষি চ ব্রহ্ম চানুব্যঽচলন্ ॥৮॥

6.9

ঋচাং চ বৈ স সাম্নাং চ যজুষাং চ ব্রহ্মণশ্চ প্রিয়ং ধাম ভবতি য এবং বেদ ॥৯॥

6.10

স বৃহতীং দিশমনু ব্যঽচলৎ ॥১০॥

6.11

তমিতিহাসশ্চ পুরাণং চ গাথাশ্চ নারাশংসীশ্চানুব্যঽচলন্ ॥১১॥

6.12

ইতিহাসস্য চ বৈ স পুরাণস্য চ গাথানাং চ নারাশংসীনাং চ প্রিয়ং ধাম ভবতি য এবং বেদ ॥১২॥

6.13

স পরমাং দিশমনু ব্যঽচলৎ ॥১৩॥

6.14

তমাহবনীয়শ্চ গার্হপত্যশ্চ দক্ষিণাগ্নিশ্চ যজ্ঞশ্চ যজমানশ্চ পশবশ্চানুব্যঽচলন্ ॥১৪॥

6.15

আহবনীয়স্য চ বৈ স গার্হপত্যস্য চ দক্ষিণাগ্নেশ্চ যজ্ঞস্য চ যজমানস্য চ পশূনাং চ প্রিয়ং ধাম ভবতি য এবং বেদ ॥১৫॥

6.16

সোঽনাদিষ্টাং দিশমনু ব্যঽচলৎ ॥১৬॥

6.17

তমৃতবশ্চার্তবাশ্চ লোকাশ্চ লৌক্যাশ্চ মাসাশ্চার্ধমাসাশ্চাহোরাত্রে চানুব্যঽচলন্ ॥১৭॥

6.18

ঋতূনাং চ বৈ স আর্তবানাং চ লোকানাং চ লৌক্যানাং চ মাসানাং চার্ধমাসানাং চাহোরাত্রয়োশ্চ প্রিয়ং ধাম ভবতি য এবং বেদ ॥১৮॥

6.19

সোঽনাবৃত্তাং দিশমনু ব্যচলৎ ততো নাবর্ত্স্যন্নমন্যত ॥১৯॥

6.20

তং দিতিশ্চাদিতিশ্চেডা চেন্দ্রাণী চানুব্যঽচলন্ ॥২০॥

6.21

দিতেশ্চ বৈ সোঽদিতেশ্চেডায়াশ্চেন্দ্রাণ্যাশ্চ প্রিয়ং ধাম ভবতি য এবং বেদ ॥২১॥

6.22

স দিশোঽনু ব্যঽচলৎ ॥২২॥

6.23

তং বিরাডনু ব্যঽচলৎ সর্বে চ দেবাঃ সর্বাশ্চ দেবতাঃ ॥২৩॥

6.24

বিরাজশ্চ বৈ স সর্বেষাং চ দেবানাং সর্বাসাং চ দেবতানাং প্রিয়ং ধাম ভবতি য এবং বেদ ॥২৪॥

6.25

স সর্বানন্তর্দেশাননু ব্যঽচলৎ ॥২৫॥

6.26

তং প্রজাপতিশ্চ পরমেষ্ঠী চ পিতা চ পিতামহশ্চানুব্যঽচলন্ ॥২৬॥

6.27

প্রজাপতেশ্চ বৈ পরমেষ্ঠিনশ্চ পিতুশ্চ পিতামহস্য চ প্রিয়ং ধাম ভবতি য এবং বেদ ॥২৬॥