সূক্ত 7

7.1

উচ্ছিষ্ট ব্রহ্ম-সূক্তম্। ১-২৭ অথর্বা। অধ্যাত্মং, উচ্ছিষ্টঃ। অনুষ্টপ্, ৬ পুর উষ্ণিগ্বার্হতপরা, ২১ স্বরাট্, ২২ বিরাট্ পথ্যাবৃহতী।

উচ্ছিষ্টে নাম রূপং চোচ্ছিষ্টে লোক আহিতঃ ।
উচ্ছিষ্ট ইন্দ্রশ্চাগ্নিশ্চ বিশ্বমন্তঃ সমাহিতম্ ॥১॥

7.2

উচ্ছিষ্টে দ্যাবাপৃথিবী বিশ্বং ভূতং সমাহিতম্।
আপঃ সমুদ্র উচ্ছিষ্টে চন্দ্রমা বাত আহিতঃ ॥
সন্নুচ্ছিষ্টে অসংশ্চোভৌ মৃত্যুর্বাজঃ প্রজাপতিঃ ।
লৈক্যা উচ্ছিষ্ট আয়ত্তা ব্রশ্চ দ্রশ্চাপি শ্রীর্ময়ি ॥৩॥

7.3

দৃঢো দৃংহস্থিরো ন্যো ব্রহ্ম বিশ্বসৃজো দশ ।
নাভিমিব সর্বতশ্চক্রমুচ্ছিষ্টে দেবতাঃ শ্রিতাঃ ॥৪॥

7.4

ঋক্ সাম যজুরুচ্ছিষ্ট উদ্গীথঃ প্রস্তুতং স্তুতম্।
হিঙ্কার উচ্ছিষ্টে স্বরঃ সাম্নো মেডিশ্চ তন্ময়ি ॥৫॥

7.5

ঐন্দ্রাগ্নং পাবমানং মহানাম্নীর্মহাব্রতম্।
উচ্ছিষ্টে যজ্ঞস্যাঙ্গান্যন্তর্গর্ভ ইব মাতরি ॥৬॥

7.6

রাজসূয়ং বাজপেয়মগ্নিষ্টোমস্তদধ্বরঃ ।
অর্কাশ্বমেধাবুচ্ছিষ্টে জীববর্হির্মদিন্তমঃ ॥৭॥

7.7

অগ্ন্যাধেয়মথো দীক্ষা কামপ্রশ্ছন্দসা সহ।
উত্সন্না যজ্ঞাঃ সত্রাণ্যুচ্ছিষ্টেঽধি সমাহিতাঃ ॥৮॥

7.8

অগ্নিহোত্রং চ শ্রদ্ধা চ বষট্কারো ব্রতং তপঃ ।
দক্ষিণেষ্টং পূর্তং চোচ্ছিষ্টেঽধি সমাহিতাঃ ॥৯॥

7.9

একরাত্রো দ্বিরাত্রঃ সদ্যঃক্রীঃ প্রক্রীরুক্থ্যঃ ।
ওতং নিহিতমুচ্ছিষ্টে যজ্ঞস্যাণূনি বিদ্যয়া ॥১০॥

7.10

চতূরাত্রঃ পঞ্চরাত্রঃ ষড্রাত্রশ্চোভয়ঃ সহ।
ষোডশী সপ্তরাত্রশ্চোচ্ছিষ্টাজ্জজ্ঞিরে সর্বে যে যজ্ঞা অমৃতে হিতাঃ ॥১১॥

7.11

প্রতীহারো নিধনং বিশ্বজিচ্চাভিজিচ্চ যঃ ।
সাহ্নাতিরাত্রাবুচ্ছিষ্টে দ্বাদশাহোঽপি তন্ময়ি ॥১২॥

7.12

সূনৃতা সংনতিঃ ক্ষেমঃ স্বধোর্জামৃতং সহঃ ।
উচ্ছিষ্টে সর্বে প্রত্যঞ্চঃ কামাঃ কামেন ততৃপুঃ ॥১৩॥

7.13

নব ভূমীঃ সমুদ্রা উচ্ছিষ্টেঽঅধি শ্রিতা দিবঃ ।
আ সূর্যো ভাত্যুচ্ছিষ্টেঽহোরাত্রে অপি তন্ময়ি ॥১৪॥

7.14

উপহব্যং বিষূবন্তং যে চ যজ্ঞা গুহা হিতাঃ ।
বিভর্তি ভর্তা বিশ্বস্যোচ্ছিষ্টো জনিতুঃ পিতা ॥১৫॥

7.15

পিতা জনিতুরুচ্ছিষ্টোঽসোঃ পৌত্রঃ পিতামহঃ ।
স ক্ষিয়তি বিশ্বস্যেশানো বৃষা ভূম্যামতিঘ্ন্যঃ ॥১৬॥

7.16

ঋতং সত্যং তপো রাস্ট্রং শ্রমো ধর্মশ্চ কর্ম চ ।
ভূতং ভবিষ্যদুচ্ছিষ্টে বীর্যং লক্ষ্মীর্বলং বলে ॥১৭॥

7.17

সমৃদ্ধিরোজ আকূতিঃ ক্ষত্রং রাষ্ট্রং ষডুর্ব্যঃ ।
সংবত্সরোঽধ্যুচ্ছিষ্ট ইডা প্রৈষা গ্রহা হবিঃ ॥১৮॥

7.18

চতুর্হোতার আপ্রিয়শ্চাতুর্মাস্যানি নীবিদঃ ।
উচ্ছিষ্টে যজ্ঞাঃ হোত্রাঃ পশুবন্ধাস্তদিষ্টয়ঃ ॥১৯॥

7.19

অর্ধমাসাশ্চ মাসাশ্চার্তবা ঋতুভিঃ সহ।
উচ্ছিষ্টে ঘোষিণীরাপঃ স্তনয়িত্নুঃ শ্রুতির্মহী ॥২০॥

7.20

শর্করাঃ সিকতা অশ্মান ওষধয়ো বীরুধস্তৃণা ।
অভ্রাণি বিদ্যুতো বর্ষমুচ্ছিষ্টে সংশ্রিতা শ্রিতা ॥২১॥

7.21

রাদ্ধিঃ প্রাপ্তিঃ সমাপ্তির্ব্যাঽপ্তির্মহ এধতুঃ ।
অত্যাপ্তিরুচ্ছিষ্টে ভূতিশ্চাহিতা নিহিতা হিতা ॥২২॥

7.22

যচ্চ প্রাণতি প্রাণেন যচ্চ পশ্যতি চক্ষুষা ।
উচ্ছিষ্টাজ্জজ্ঞিরে সর্বে দিবি দেবা দিবিশ্রিতঃ ॥২৩॥

7.23

ঋচঃ সামানি চ্ছন্দাংসি পুরাণং যজুষা সহ।
উচ্ছিষ্টাজ্জজ্ঞিরে সর্বে দিবি দেবা দিবিশ্রিতঃ ॥২৪॥

7.24

প্রাণাপানৌ চক্ষুঃ শ্রোত্রমক্ষিতিশ্চ ক্ষিতিশ্চ যা।
উচ্ছিষ্টাজ্জজ্ঞিরে সর্বে দিবি দেবা দিবিশ্রিতঃ ॥২৫॥

7.25

আনন্দা মোদাঃ প্রমুদোঽভিমোদমুদশ্চ যে।
উচ্ছিষ্টাজ্জজ্ঞিরে সর্বে দিবি দেবা দিবিশ্রিতঃ ॥২৬॥

7.26

দেবাঃ পিতরো মনুষ্যাঽ গন্ধর্বাপ্সরসশ্চ যে।
উচ্ছিষ্টাজ্জজ্ঞিরে সর্বে দিবি দেবা দিবিশ্রিতঃ ॥২৭॥