Sukta 7

7.1

Uchchhishta brahma-suktam, 1-27 atharva, adhyatmam, uchchhishtah, anushtap, 6 pura ushnigbarhatapara, 21 svarat, 22 virat pathyabrihati

उच्छि॑ष्टे॒ नाम॑ रू॒पं चोच्छि॑ष्टे लो॒क आहि॑तः ।
उच्छि॑ष्ट॒ इन्द्र॑श्चा॒ग्निश्च॒ विश्व॑म॒न्तः स॒माहि॑तम् ॥१॥

Uchchhishte nama rupam chochchhishte loka ahitah
Uchchhishta indrashchagnishcha vishvamantah samahitam

7.2

उच्छि॑ष्टे॒ द्यावा॑पृथि॒वी विश्वं॑ भू॒तं स॒माहि॑तम्।
आपः॑ समु॒द्र उच्छि॑ष्टे च॒न्द्रमा॒ वात॒ आहि॑तः ॥
सन्नुच्छि॑ष्टे॒ असं॑श्चो॒भौ मृ॒त्युर्वाजः॑ प्र॒जाप॑तिः ।
लै॒क्या उच्छि॑ष्ट॒ आय॑त्ता॒ व्रश्च॒ द्रश्चापि॒ श्रीर्मयि॑ ॥३॥

Uchchhishte dyavaprithivi vishvam bhutam samahitam
Apah samudra uchchhishte chandrama vata ahitah
Sannuchchhishte asanshchobhau mrityurvajah prajapatih
Laikya uchchhishta ayatta vrashcha drashchapi shrirmayi

7.3

दृ॒ढो दृं॑हस्थि॒रो न्यो ब्रह्म॑ विश्व॒सृजो दश॑ ।
नाभि॑मिव स॒र्वत॑श्च॒क्रमुच्छि॑ष्टे दे॒वताः॑ श्रि॒ताः ॥४॥

Dridho drinhasthiro nyo brahma vishvasrijo dasha
Nabhimiva sarvatashchakramuchchhishte devatah shritah

7.4

ऋक् साम॒ यजु॒रुच्छि॑ष्ट उद्गी॒थः प्रस्तु॑तं स्तु॒तम्।
हि॒ङ्का॒र उच्छि॑ष्टे॒ स्वरः॒ साम्नो॑ मे॒डिश्च॒ तन्मयि॑ ॥५॥

Rik sama yajuruchchhishta udgithah prastutam stutam
Hinkara uchchhishte svarah samno medishcha tanmayi

7.5

ऐ॒न्द्रा॒ग्नं पा॑वमा॒नं म॒हाना॑म्नीर्महाव्र॒तम्।
उच्छि॑ष्टे य॒ज्ञस्याङ्गा॑न्य॒न्तर्गर्भ॑ इव मा॒तरि॑ ॥६॥

Aindragnam pavamanam mahanamnirmahavratam
Uchchhishte yagyasyanganyantargarbha iva matari

7.6

रा॒ज॒सूयं॑ वाज॒पेय॑मग्निष्टो॒मस्तद॑ध्व॒रः ।
अ॒र्का॒श्व॒मे॒धावुच्छि॑ष्टे जी॒वब॑र्हिर्म॒दिन्त॑मः ॥७॥

Rajasuyam vajapeyamagnishtomastadadhvarah
Arkashvamedhavuchchhishte jivabarhirmadintamah

7.7

अ॒ग्न्या॒धेय॒मथो॑ दी॒क्षा का॑म॒प्रश्छन्द॑सा स॒ह।
उत्स॑न्ना य॒ज्ञाः स॒त्राण्युच्छि॒ष्टेऽधि॑ स॒माहि॑ताः ॥८॥

Agnyadheyamatho diksha kamaprashchhandasa saha
Utsanna yagyah satranyuchchhishtedhi samahitah

7.8

अ॒ग्नि॒हो॒त्रं च॑ श्र॒द्धा च॑ वषट्का॒रो व्र॒तं तपः॑ ।
दक्षि॑णे॒ष्टं पू॒र्तं चोच्छि॒ष्टेऽधि॑ स॒माहि॑ताः ॥९॥

Agnihotram cha shraddha cha vashatkaro vratam tapah
Dakshineshtam purtam chochchhishtedhi samahitah

7.9

ए॒क॒रा॒त्रो द्वि॑रा॒त्रः स॑द्यः॒क्रीः प्र॒क्रीरु॒क्थ्यः ।
ओतं॒ निहि॑त॒मुच्छि॑ष्टे य॒ज्ञस्या॒णूनि॑ वि॒द्यया॑ ॥१०॥

Ekaratro dviratrah sadyahkrih prakrirukthyah
Otam nihitamuchchhishte yagyasyanuni vidyaya

7.10

च॒तू॒रा॒त्रः प॑ञ्चरा॒त्रः ष॑ड्रा॒त्रश्चो॒भयः॑ स॒ह।
षो॒ड॒शी स॑प्तरा॒त्रश्चोच्छि॑ष्टाज्जज्ञिरे॒ सर्वे॒ ये य॒ज्ञा अ॒मृते॑ हि॒ताः ॥११॥

Chaturatrah pancharatrah shadratrashchobhayah saha
Shodashi saptaratrashchochchhishtajjagyire sarve ye yagya amrite hitah

7.11

प्र॒ती॒हा॒रो नि॒धनं॑ विश्व॒जिच्चा॑भि॒जिच्च॒ यः ।
सा॒ह्ना॒ति॒रा॒त्रावुच्छि॑ष्टे द्वादशा॒होऽपि॒ तन्मयि॑ ॥१२॥

Pratiharo nidhanam vishvajichchabhijichcha yah
Sahnatiratravuchchhishte dvadashahopi tanmayi

7.12

सू॒नृता॒ संन॑तिः॒ क्षेमः॑ स्व॒धोर्जामृतं॒ सहः॑ ।
उच्छि॑ष्टे॒ सर्वे॑ प्र॒त्यञ्चः॒ कामाः॒ कामे॑न ततृपुः ॥१३॥

Sunrita sannatih kshemah svadhorjamritam sahah
Uchchhishte sarve pratyanchah kamah kamena tatripuh

7.13

नव॒ भूमीः॑ समु॒द्रा उच्छि॒ष्टेऽअधि॑ श्रि॒ता दिवः॑ ।
आ सूर्यो॑ भा॒त्युच्छि॑ष्टेऽहोरा॒त्रे अपि॒ तन्मयि॑ ॥१४॥

Nava bhumih samudra uchchhishteadhi shrita divah
A suryo bhatyuchchhishtehoratre api tanmayi

7.14

उ॒प॒हव्यं॑ विषू॒वन्तं॒ ये च॑ य॒ज्ञा गुहा॑ हि॒ताः ।
बिभ॑र्ति भ॒र्ता विश्व॒स्योच्छि॑ष्टो जनि॒तुः पि॒ता ॥१५॥

Upahavyam vishuvantam ye cha yagya guha hitah
Bibharti bharta vishvasyochchhishto janituh pita

7.15

पि॒ता ज॑नि॒तुरुच्छि॒ष्टोऽसोः॒ पौत्रः॑ पिताम॒हः ।
स क्षि॑यति॒ विश्व॒स्येशा॑नो॒ वृषा॒ भूम्या॑मति॒घ्न्यः ॥१६॥

Pita janituruchchhishtosoh pautrah pitamahah
Sa kshiyati vishvasyeshano vrisha bhumyamatighnyah

7.16

ऋ॒तं स॒त्यं तपो॑ रा॒स्ट्रं श्रमो॒ धर्म॑श्च॒ कर्म॑ च ।
भू॒तं भ॑वि॒ष्यदुच्छि॑ष्टे वी॒र्यं ल॒क्ष्मीर्बलं॒ बले॑ ॥१७॥

Ritam satyam tapo rastram shramo dharmashcha karma cha
Bhutam bhavishyaduchchhishte viryam lakshmirbalam bale

7.17

समृ॑द्धि॒रोज॒ आकू॑तिः क्ष॒त्रं रा॒ष्ट्रं षडु॒र्व्यः ।
सं॒व॒त्स॒रोऽध्युच्छि॑ष्ट इडा॑ प्रै॒षा ग्रहा॑ ह॒विः ॥१८॥

Samriddhiroja akutih kshatram rashtram shadurvyah
Sanvatsarodhyuchchhishta ida praisha graha havih

7.18

चतु॑र्होतार आ॒प्रिय॑श्चातुर्मा॒स्यानि॑ नी॒विदः॑ ।
उच्छि॑ष्टे य॒ज्ञाः होत्राः॑ पशुब॒न्धास्तदिष्ट॑यः ॥१९॥

Chaturhotara apriyashchaturmasyani nividah
Uchchhishte yagyah hotrah pashubandhastadishtayah

7.19

अ॒र्ध॒मा॒साश्च॒ मासा॑श्चार्त॒वा ऋ॒तुभिः॑ स॒ह।
उच्छि॑ष्टे घो॒षिणी॒रापः॑ स्तनयि॒त्नुः श्रुति॑र्म॒ही ॥२०॥

Ardhamasashcha masashchartava ritubhih saha
Uchchhishte ghoshinirapah stanayitnuh shrutirmahi

7.20

शर्क॑राः॒ सिक॑ता॒ अश्मा॑न॒ ओष॑धयो वी॒रुध॒स्तृणा॑ ।
अ॒भ्राणि॑ वि॒द्युतो॑ व॒र्षमुच्छि॑ष्टे॒ संश्रि॑ता श्रि॒ता ॥२१॥

Sharkarah sikata ashmana oshadhayo virudhastrina
Abhrani vidyuto varshamuchchhishte sanshrita shrita

7.21

राद्धिः॒ प्राप्तिः॒ समा॑प्ति॒र्व्याऽप्ति॒र्मह॑ एध॒तुः ।
अत्या॑प्ति॒रुच्छि॑ष्टे॒ भूति॒श्चाहि॑ता॒ निहि॑ता हि॒ता ॥२२॥

Raddhih praptih samaptirvyaptirmaha edhatuh
Atyaptiruchchhishte bhutishchahita nihita hita

7.22

यच्च॑ प्रा॒णति॑ प्रा॒णेन॒ यच्च॒ पश्य॑ति॒ चक्षु॑षा ।
उच्छि॑ष्टाज्जज्ञिरे॒ सर्वे॑ दि॒वि दे॒वा दि॑वि॒श्रितः॑ ॥२३॥

Yachcha pranati pranena yachcha pashyati chakshusha
Uchchhishtajjagyire sarve divi deva divishritah

7.23

ऋचः॒ सामा॑नि॒ च्छन्दां॑सि पुरा॒णं यजु॑षा स॒ह।
उच्छि॑ष्टाज्जज्ञिरे॒ सर्वे॑ दि॒वि दे॒वा दि॑वि॒श्रितः॑ ॥२४॥

Richah samani chchhandansi puranam yajusha saha
Uchchhishtajjagyire sarve divi deva divishritah

7.24

प्रा॒णा॒पा॒नौ चक्षुः॒ श्रोत्र॒मक्षि॑तिश्च॒ क्षिति॑श्च॒ या।
उच्छि॑ष्टाज्जज्ञिरे॒ सर्वे॑ दि॒वि दे॒वा दि॑वि॒श्रितः॑ ॥२५॥

Pranapanau chakshuh shrotramakshitishcha kshitishcha ya
Uchchhishtajjagyire sarve divi deva divishritah

7.25

आ॒न॒न्दा मोदाः॑ प्र॒मुदो॑ऽभिमोद॒मुद॑श्च॒ ये।
उच्छि॑ष्टाज्जज्ञिरे॒ सर्वे॑ दि॒वि दे॒वा दि॑वि॒श्रितः॑ ॥२६॥

Ananda modah pramudobhimodamudashcha ye
Uchchhishtajjagyire sarve divi deva divishritah

7.26

दे॒वाः पि॒तरो॑ मनु॒ष्याऽ गन्धर्वाप्स॒रस॑श्च॒ ये।
उच्छि॑ष्टाज्जज्ञिरे॒ सर्वे॑ दि॒वि दे॒वा दि॑वि॒श्रितः॑ ॥२७॥

Devah pitaro manushya gandharvapsarasashcha ye
Uchchhishtajjagyire sarve divi deva divishritah