সূক্ত 5

5.1

ব্রহ্মচর্যম্। ১-২৬ ব্রহ্মা।ব্রহ্মচারী। ত্রিষ্টুপ্, ১ পুরোঽতিজাগতা বিরাড্ গর্ভা, ২ পঞ্চপদা বৃহতীগর্ভা বিরাট্ শক্বরী, ৩ উরোবৃহতী, ৬ শাক্বরগর্ভা চতুষ্পদা জগতী, ৭ বিরাড্ গর্ভা, ৮ পুরোঽতিজাগতা বিরাড্ জগতী, ৯ বৃহতীগর্ভা, ১০ ভুরিক্, ১১, ১৩ জগতী, ১২ শাক্বরগর্ভা চতুষ্পদা বিরাডতিজগতী, ১৫ পুরস্তাজ্জ্যোতিঃ, ১৪, ১৬-২২ অনুষ্টুপ্, ২৩ পুরোবার্হতাতিজাগতগর্ভা, ২৫ একাবসানার্চ্যুষ্ণিক্, ২৬ মধ্যেজ্যোতির ষ্ণিগ্গর্ভা।

ব্রহ্মচারীষ্ণংশ্চরতি রোদসী উভে তস্মিন্ দেবাঃ সংমনসো ভবন্তি ।
স দাধার পৃথিবীং দিবং চ স আচার্যং১ তপসা পিপর্তি ॥১॥

5.2

ব্রহ্মচারিণং পিতরো দেবজনাঃ পৃথগ্ দেবা অনুসংয়ন্তি সর্বে ।
গন্ধর্বা এনমন্বায়ন্ ত্রয়স্ত্রিংশৎ ত্রিশতাঃ ষট্সহস্রাঃ সর্বান্ত্স দেবাংস্তপসা পিপর্তি ॥২॥

5.3

আচার্যঽ উপনয়মানো ব্রহ্মচারিণং কৃণুতে গর্ভমন্তঃ ।
তং রাত্রীস্তিস্র উদরে বিভর্তি তং জাতং দ্রষ্টুমভিসংয়ন্তি দেবাঃ ॥৩॥

5.4

ইয়ং সমিৎ পৃথিবী দ্যৌর্দ্বিতীয়োতান্তরিক্ষং সমিধা পৃণাতি ।
ব্রহ্মচারী সমিধা মেখলয়া শ্রমেণ লোকাংস্তপসা পিপর্তি ॥৪॥

5.5

পূর্বো জাতো ব্রহ্মণো ব্রহ্মচারী ঘর্মং বসানস্তপসোদতিষ্ঠৎ।
তস্মাজ্জাতং ব্রাহ্মণং ব্রহ্ম জ্যেষ্ঠং দেবাশ্চ সর্বে অমৃতেন সাকম্ ॥৫॥

5.6

ব্রহ্মচার্যেঽতি সমিধা সমিদ্ধঃ কার্ষ্ণং বসানো দীক্ষিতো দীর্ঘশ্মশ্রুঃ ।
স সদ্য এতি পূর্বস্মাদুত্তরং সমুদ্রং লোকান্ত্সংগৃভ্য মুহুরাচরিক্রৎ ॥৬॥

5.7

ব্রহ্মচারী জনয়ন্ ব্রহ্মাপো লোকং প্রজাপতিং পরমেষ্ঠিনং বিরাজম্।
গর্ভো ভূত্বামৃতস্য যোনাবিন্দ্রো হ ভূত্বাসুরাংস্ততর্হ ॥৭॥

5.8

আচার্যঽ স্ততক্ষ নভসী উভে ইমে উর্বী গম্ভীরে পৃথিবীং দিবং চ ।
তে রক্ষতি তপসা ব্রহ্মচারী তস্মিন্ দেবাঃ সংমনসো ভবন্তি ॥৮॥

5.9

ইমাং ভূমিং পৃথিবীং ব্রহ্মচারী ভিক্ষামা জভার প্রথমো দিবং চ ।
তে কৃত্বা সমিধাবুপাস্তে তয়োরার্পিতা ভুবনানি বিশ্বা ॥৯॥

5.10

অর্বাগন্যঃ পরো অন্যো দিবস্পৃষ্ঠাদ্ গুহা নিধী নিহিতৌ ব্রাহ্মণস্য ।
তৌ রক্ষতি তপসা ব্রহ্মচারী তৎ কেবলং কৃণুতে ব্রহ্ম বিদ্বান্ ॥১০॥

5.11

অর্বাগন্য ইতো অন্যঃ পৃথিব্যা অগ্নী সমেতো নভসী অন্তরমে।
তয়োঃ শ্রয়ন্তে রশ্ময়োঽধি দৃঢাস্তানা তিষ্ঠতি তপসা ব্রহ্মচারী ॥১১॥

5.12

অভিক্রন্দন্ স্তনয়ন্নরুণঃ শিতিঙ্গো বৃহচ্ছেপোঽনু ভূমৌ জভার ।
ব্রহ্মচারী সিঞ্চতি সানৌ রেতঃ পৃথিব্যাং তেন জীবন্তি প্রদিশশ্চতস্রঃ ॥১২॥

5.13

অগ্নৌ সূর্যে চন্দ্রমসি মাতরিশ্বন্ ব্রহ্মচার্য১প্সু সমিধমা দধাতি ।
তাসামর্চীংষি পৃথগভ্রে চরন্তি তাসামাজ্যং পুরুষো বর্ষমাপঃ ॥১৩॥

5.14

আচার্যোঽ মৃত্যুর্বরুণঃ সোম ওষধয়ঃ পয়ঃ ।
জীভূতা আসন্ত্সত্বানস্তৈরিদং স্ব১রাভৃতম্ ॥১৪॥

5.15

অমা ঘৃতং কৃণুতে কেবলমাচার্যো ভূত্বা বরুণো যদ্যদৈচ্ছৎ প্রজাপতৌ ।
তদ্ ব্রহ্মচারী প্রায়চ্ছৎ স্বন্ মিত্রো অধ্যাত্মনঃ ॥১৫॥

5.16

আচার্যোঽ ব্রহ্মচারী ব্রহ্মচরী প্রজাপতিঃ ।
প্রজাপতির্বি রাজতি বিরাডিন্দ্রোঽভবদ্ বশী ॥১৬॥

5.17

ব্রহ্মচর্যেণ তপসা রাজা রাষ্ট্রং বি রক্ষতি ।
আচার্যোঽ ব্রহ্মচর্যেণ ব্রহ্মচারিণমিচ্ছতে ॥১৭॥

5.18

ব্রহ্মচর্যেণ কন্যা৩ যুবানং বিন্দতে পতিম্।
অনড্বান্ ব্রহ্মচর্যেণাশ্বো ঘাসং জিগীর্ষতি ॥১৮॥

5.19

ব্রহ্মচর্যেণ তপসা দেবা মৃত্যুমপাঘ্নত ।
ইন্দ্রো হ ব্রহ্মচর্যেণ দেবেভ্যঃ স্ব১রাভরৎ ॥১৯॥

5.20

ওষধয়ো ভূতভব্যমহোরাত্রে বনস্পতিঃ ।
সংবত্সরঃ সহর্তুভিস্তে জাতা ব্রহ্মচারিণঃ ॥২০॥

5.21

পার্থিবা দিব্যাঃ পশব আরণ্যা গ্রাম্যাশ্চ যে।
অপক্ষাঃ পক্ষিণশ্চ যে তে জাতা ব্রহ্মচারিণঃ ॥২১॥

5.22

পৃথক্ সর্বে প্রাজাপত্যাঃ প্রাণানাত্মসু বিভ্রতি ।
তান্ত্সর্বান্ ব্রহ্ম রক্ষতি ব্রহ্মচারিণ্যাভৃতম্ ॥২২॥

5.23

দেবানামেতৎ পরিষূতমনভ্যারূঢং চরতি রোচমানম্।
তস্মাজ্জাতং ব্রাহ্মণং ব্রহ্ম জ্যেষ্ঠং দেবাশ্চ সর্বে অমতেন সাকম্ ॥২৩॥

5.24

ব্রহ্মচারী ব্রহ্ম ভ্রাজদ্ বিভর্তি তস্মিন্ দেবা অধি বিশ্বে সমোতাঃ ।
প্রাণাপানৌ জনয়ন্নাদ্ ব্যানং বাচং মনো হৃদয়ং ব্রহ্ম মেধাম্ ॥২৪॥

5.25

চক্ষুঃ শ্রোত্রং যশো অস্মাসু ধেহ্যন্নং রেতো লোহিতমুদরম্।২৫॥
তানি কল্পদ্ ব্রহ্মচারী সলিলস্য পৃষ্ঠে তপোঽতিষ্ঠৎ তপ্যমানঃ সমুদ্রে।
স স্নাতো বভ্রুঃ পিঙ্গলঃ পৃথিব্যাং বহু রোচতে ॥২৬॥