সূক্ত 9

9.1

শতৌদনা গৌঃ। ১-২৭ অথর্বা। শতৌদনা। অনুষ্টুপ্, ১ ত্রিষ্টুপ্, ১২ পথ্যাপঙ্ক্তিঃ, ২৫ দ্ব্যুষ্ণিগ্গর্ভাঽনুষ্টুপ্, ২৬ পঞ্চপদা বৃহত্যনুষ্টুবুষ্ণিগ্গর্ভা জগতী, ২৭ পঞ্চপদাতিজাগতানুষ্টব্গর্ভা শক্বরী।

অঘায়তামপি নহ্যা মুখানি সপত্নেষু বজ্রমর্পয়ৈতম্।
ইন্দ্রেণ দত্তা প্রথমা শতৌদনা ভ্রাতৃব্যঘ্নী যজমানস্য গাতুঃ ॥১॥

9.2

বেদিষ্টে চর্ম ভবতু বর্হির্লোমানি যানি তে ।
এষা ত্বা রশনাগ্রভীদ্ গ্রাবা ত্বৈষোঽধি নৃত্যতু ॥২॥

9.3

বালাস্তে প্রোক্ষণীঃ সন্তু জীহ্বা সং মার্ষ্ট্বঘ্ন্যে ।
শুদ্ধা ত্বং যজ্ঞিয়া ভূত্বা দিবং প্রেহি শতৌদনে ॥৩॥

9.4

যঃ শতৌদনাং পচতি কামপ্রেণ স কল্পতে ।
প্রীতা হ্যঽস্যর্ত্বিজঃ সর্বে যন্তি যথায়থম্ ॥৪॥

9.5

স স্বর্গমা রোহতি যত্রাদস্ত্রিদিবং দিবঃ ।
অপূপনাভিং কৃত্বা যো দদাতি শতৌদনাম্ ॥৫॥

9.6

স তাংল্লোকান্ত্সমাপ্নোতি যে দিব্যা যে চ পার্থিবাঃ ।
হিরণ্যজ্যোতিষং কৃত্বা যো দদাতি শতৌদনাম্ ॥৬॥

9.7

যে তে দেবি শমিতারঃ পক্তারো যে চ তে জনাঃ ।
তে ত্বা সর্বে গোপ্স্যন্তি মৈভ্যো ভৈষীঃ শতৌদনে ॥৭॥

9.8

বসবস্ত্বা দক্ষিণত উত্তরান্মরুতস্ত্বা ।
আদিত্যাঃ পশ্চাদ্ গোপ্স্যন্তি সাগ্নিষ্টোমমতি দ্রব ॥৮॥

9.9

দেবাঃ পিতরো মনুষ্যাঽ গন্ধর্বাপ্সরসশ্চ যে।
তে ত্বা সর্বে গোপ্স্যন্তি সাতিরাত্রমতি দ্রব ॥৯॥

9.10

অন্তরিক্ষং দিবং ভূমিমাদিত্যান্ মরুতো দিশঃ ।
লোকান্ত্স সর্বানাপ্নোতি যো দদাতি শতৌদনাম্ ॥১০॥

9.11

ঘৃতং প্রোক্ষন্তী সুভগা দেবী দেবান্ গমিষ্যতি ।
পক্তারমঘ্ন্যে মা হিংসীর্দিবং প্রেহি শতৌদনে ॥১১॥

9.12

যে দেবা দিবিষদো অন্তরিক্ষসদশ্চ যে যে চেমে ভূম্যামধি ।
তেভ্যস্ত্বং ধুক্ষ্ব সর্বদা ক্ষীরং সর্পিরথো মধু ॥১২॥

9.13

যৎ তে শিরো যৎ তে মুখং যৌ কর্ণৌ যে চ তে হনূ ।
আমিক্ষাং দুহ্রতাং দাত্রে ক্ষীরং সর্পিরথো মধু ॥১৩॥

9.14

যৌ ত ওষ্ঠৌ যে নাসিকে যে শৃঙ্গে যে চ তেঽক্ষিণী ।
আমিক্ষাং দুহ্রতাং দাত্রে ক্ষীরং সর্পিরথো মধু ॥১৪॥

9.15

যৎ তে ক্লোমা যদ্ধৃদয়ং পুরীতৎ সহকণ্ঠিকা ।
আমিক্ষাং দুহ্রতাং দাত্রে ক্ষীরং সর্পিরথো মধু ॥১৫॥

9.16

যৎ তে যকৃদ্ যে মতস্নে যদান্ত্রং যাশ্চ তে গুদাঃ ।
আমিক্ষাং দুহ্রতাং দাত্রে ক্ষীরং সর্পিরথো মধু ॥১৬॥

9.17

যস্তে প্লাশির্যো বনিষ্ঠুর্যৌ কুক্ষী যচ্চ চর্ম তে ।
আমিক্ষাং দুহ্রতাং দাত্রে ক্ষীরং সর্পিরথো মধু ॥১৭॥

9.18

যৎ তে মজ্জা যদস্থি যন্মাংসং যচ্চ লোহিতম্।
আমিক্ষাং দুহ্রতাং দাত্রে ক্ষীরং সর্পিরথো মধু ॥১৮॥

9.19

যৌ তে বাহূ যে দোষণী যাবংসৌ যা চ তে ককুৎ।
আমিক্ষাং দুহ্রতাং দাত্রে ক্ষীরং সর্পিরথো মধু ॥১৯॥

9.20

যাস্তে গ্রীবা যে স্কন্ধা যাঃ পৃষ্টীর্যাশ্চ পর্শবঃ ।
আমিক্ষাং দুহ্রতাং দাত্রে ক্ষীরং সর্পিরথো মধু ॥২০॥

9.21

যৌ ত উরূ অষ্ঠীবন্তৌ যে শ্রোণী যা চ তে ভসৎ।
আমিক্ষাং দুহ্রতাং দাত্রে ক্ষীরং সর্পিরথো মধু ॥২১॥

9.22

যৎ তে পুচ্ছং যে তে বালা যদূধো যে চ তে স্তনাঃ ।
আমিক্ষাং দুহ্রতাং দাত্রে ক্ষীরং সর্পিরথো মধু ॥২২॥

9.23

যাস্তে জঙ্ঘাঃ যাঃ কুষ্ঠিকা ঋচ্ছরা যে চ তে শফাঃ ।
আমিক্ষাং দুহ্রতাং দাত্রে ক্ষীরং সর্পিরথো মধু ॥২৩॥

9.24

যৎ তে চর্ম শতৌদনে যানি লোমান্যঘ্ন্যে ।
আমিক্ষাং দুহ্রতাং দাত্রে ক্ষীরং সর্পিরথো মধু ॥২৪॥

9.25

ক্রোডৌ তে স্তাং পুরোডাশাবাজ্যেনাভিঘারিতৌ ।
তৌ পক্ষৌ দেবি কৃত্বা সা পক্তারং দিবং বহ ॥২৫॥

9.26

উলূখলে মুসলে যশ্চ চর্মণি যো বা শূর্পে তণ্ডুলঃ কণঃ ।
যং বা বাতো মাতরিশ্বা পবমানো মমাথাগ্নিষ্টদ্ধোতা সুহুতং কৃণোতু ॥২৬॥

9.27

অপো দেবী র্মধুমতীর্ঘৃতশ্চুতো ব্রহ্মণাং হস্তেষু প্রপৃথক্ সাদয়ামি ।
যৎ কাম ইদমভিষিঞ্চামি বোঽহং তন্মে সর্বং সং পদ্যতাং বয়ং স্যাম পতয়ো রয়ীণাম্ ॥২৭॥