সূক্ত 32

32.1

মহদ্ব্রহ্ম। ১-৪ ব্রহ্মা। দ্যাবাপৃথিবী। অনুষ্টুপ্, ২ ককুম্মত্যনুষ্টুপ্।

ইদং জনাসো বিদথ মহদ্ ব্রহ্ম বদিষ্যতি ।
ন তৎ পৃথিব্যাং নো দিবি যেন প্রাণন্তি বীরুধঃ ॥১॥

32.2

অন্তরিক্ষ আসাং স্থাম শ্রান্তসদামিব ।
আস্থানমস্য ভূতস্য বিদুষ্টদ্ বেধসো ন বা ॥২॥

32.3

যদ্ রোদসী রেজমানে ভূমিশ্চ নিরতক্ষতম্।
আর্দ্রং তদদ্য সর্বদা সমুদ্রস্যেব স্রোত্যাঃ ॥৩॥

32.4

বিশ্বমন্যামভীবার তদন্যস্যামধিশ্রিতম্।
দিবে চ বিশ্ববেদসে পৃথিব্যৈ চাকরং নমঃ ॥৪॥