সূক্ত 31

31.1

পাশমোচনম্। ১-৪ ব্রহ্মা। আশাপালাঃ,(বাস্তোষ্পতিঃ)। অনুষ্টুপ্, ৩ বিরাট্ ত্রিষ্টুপ্, ৪ পরানুষ্টুপ্ ত্রিষ্টুপ্।

আশানামাশাপালেভ্যশ্চতুর্ভ্যো অমৃতেভ্যঃ ।
ইদং ভূতস্যাধ্যক্ষেভ্যো বিধেম হবিষা বয়ম্ ॥১॥

31.2

য আশানামাশাপালাশ্চত্বার স্থন দেবাঃ ।
তে নো নিরৃত্যাঃ পাশেভ্যো মুঞ্চতাংহসো অংহসঃ ॥২॥

31.3

অস্রামস্ত্বা হবিষা যজাম্যশ্লোণস্ত্বা ঘৃতেন জুহোমি ।
য আশানামাশাপালস্তুরীয়ো দেবঃ স নঃ সুভূতমেহ বক্ষৎ ॥৩॥

31.4

স্বস্তি মাত্র উত পিত্রে নো অস্তু স্বস্তি গোভ্যো জগতে পুরুষেভ্যঃ ।
বিশ্বং সুভূতং সুবিদত্রং নো অস্তু জ্যোগেব দৃশেম সূর্যম্ ॥৪॥