সূক্ত 30

30.1

দীর্ঘায়ুঃপ্রাপ্তিঃ। ১-৪ অথর্বা (আয়ুষ্কামঃ)। বিশ্বেদেবাঃ (১ বসবঃ, আদিত্যাঃ, ১-৪ দেবাঃ)। ত্রিষ্টুপ্, ৩ শাক্বরগর্ভা বিরাড্ জগতী।

বিশ্বে দেবা বসবো রক্ষতেমমুতাদিত্যা জাগৃত যূয়মস্মিন্।
মেমং সনাভিরুত বান্যনাভির্মেমং প্রাপৎ পৌরুষেয়ো বধো যঃ ॥১॥

যে বো দেবাঃ পিতরো যে চ পুত্রাঃ সচেতসো মে শৃণুতেদমুক্তম্।
সর্বেভ্যো বঃ পরি দদাম্যেতং স্বস্ত্যেঽনং জরসে বহাথ ॥২॥

যে দেবা দিবি ষ্ঠ যে পৃথিব্যাং যে অন্তরিক্ষ ওষধীষু পশুষ্বপ্স্ব১ন্তঃ ।
তে কৃণুত জরসমায়ুরস্মৈ শতমন্যান্ পরি বৃণক্তু মৃত্যূন্ ॥৩॥

যেষাং প্রয়াজা উত বানুয়াজা হুতভাগা অহুতাদশ্চ দেবাঃ ।
যেষাং বঃ পঞ্চ প্রদিশো বিভক্তাস্তান্ বো অস্মৈ সত্রসদঃ কৃণোমি ॥৪॥