সূক্ত 29

29.1

রাষ্ট্রাভিবর্ধনম্, সপত্নক্ষয়ণং চ। ১-৬ বসিষ্ঠঃ। ব্রহ্মণস্পতিঃ, অভীবর্তমণিঃ। অনুষ্টুপ্।

অভীবর্তেন মণিনা যেনেন্দ্রো অভিবাবৃধে।
তেনাস্মান্ ব্রহ্মণস্পতেঽভি রাষ্ট্রায় বর্ধয় ॥১॥

29.2

অভিবৃত্য সপত্নানভি যা নো অরাতয়ঃ ।
অভি পৃতন্যন্তং তিষ্ঠাভি যো নো দুরস্যতি ॥২॥

29.3

অভি ত্বা দেবঃ সবিতাভি সোমো অবীবৃধৎ।
অভি ত্বা বিশ্বা ভূতান্যভীবর্তো যথাসসি ॥৩॥

29.4

অভীবর্তো অভিভবঃ সপত্নক্ষয়ণো মণিঃ ।
রাষ্ট্রায় মহ্যং বধ্যতাং সপত্নেভ্যঃ পরাভুবে ॥৪॥

29.5

উদসৌ সূর্যো অগাদুদিদং মামকং বচঃ ।
যথাহং শত্রুহোঽসান্যসপত্নঃ সপত্নহা ॥৫॥

29.6

সপত্নক্ষয়ণো বৃষাভিরাষ্ট্রো বিষাসহিঃ ।
যথাহমেষাং বীরাণাং বিরাজানি জনস্য চ ॥৬॥