সূক্ত 28

28.1

রক্ষোঘ্নম্। ১-৪ চাতনঃ। ১-২ অগ্নিঃ, ৩-৪ যাতুধানীঃ। অনুষ্টুপ্, ৩ বিরাট্ পথ্যাবৃহতী, ৪ পথ্যাপঙ্ক্তিঃ।

উপ প্রাগাদ্ দেবো অগ্নী রক্ষোহামীবচাতনঃ ।
দহন্নপ দ্বয়াবিনো যাতুধানান্ কিমীদিনঃ ॥১॥

28.2

প্রতি দহ যাতুধানান্ প্রতি দেব কিমীদিনঃ ।
প্রতীচীঃ কৃষ্ণবর্তনে সং দহ যাতুধান্যঃ ॥২॥

28.3

যা শশাপ শপনেন যাঘং মূরমাদধে।
যা রসস্য হরণায় জাতমারেভে তোকমত্তু সা ॥৩॥

28.4

পুত্রমত্তু যাতুধানীঃ স্বসারমুত নপ্ত্যঽম্।
অধা মিথো বিকেশ্যো৩বি ঘ্নতাং যাতুধান্যো৩বি তৃহ্যন্তামরায্যঃ ॥৪॥