Sukta 28

28.1

Rakshoghnam, 1-4 chatanah, 1-2 agnih, 3-4 yatudhanih, anushtup, 3 virat pathyabrihati, 4 pathyapanktih

उप॒ प्रागा॑द् दे॒वो अ॒ग्नी र॑क्षो॒हामी॑व॒चात॑नः ।
दह॒न्नप॑ द्वया॒विनो॑ यातु॒धाना॑न् किमी॒दिनः॑ ॥१॥

Upa pragad devo agni rakshohamivachatanah
Dahannapa dvayavino yatudhanan kimidinah

प्रति॑ दह यातु॒धाना॒न् प्रति॑ देव किमी॒दिनः॑ ।
प्र॒तीचीः॑ कृष्णवर्तने॒ सं द॑ह यातुधा॒न्यः ॥२॥

Prati daha yatudhanan prati deva kimidinah
Pratichih krishnavartane sam daha yatudhanyah

या श॒शाप॒ शप॑नेन॒ याघं मूर॑माद॒धे।
या रस॑स्य॒ हर॑णाय जा॒तमा॑रे॒भे तो॒कम॑त्तु॒ सा ॥३॥

Ya shashapa shapanena yagham muramadadhe
Ya rasasya haranaya jatamarebhe tokamattu sa

पु॒त्रम॑त्तु यातुधा॒नीः स्वसा॑रमु॒त न॒प्त्यऽम्।
अधा॑ मि॒थो वि॑के॒श्यो॒३वि घ्न॑तां यातुधा॒न्यो॒३वि तृ॑ह्यन्तामरा॒य्यः ॥४॥

Putramattu yatudhanih svasaramuta naptyam
Adha mitho vikeshyo3vi ghnatam yatudhanyo3vi trihyantamarayyah