Sukta 29

29.1

Rashtrabhivardhanam, sapatnakshayanam cha, 1-6 vasishthah, brahmanaspatih, abhivartamanih, anushtup

अ॒भी॒व॒र्तेन॑ म॒णिना॒ येनेन्द्रो॑ अभिवावृ॒धे॑।
तेना॒स्मान् ब्र॑ह्मणस्पते॒ऽभि रा॒ष्ट्राय॑ वर्धय ॥१॥

Abhivartena manina yenendro abhivavridhe
Tenasman brahmanaspatebhi rashtraya vardhaya

29.2

अ॒भि॒वृत्य॑ स॒पत्ना॑न॒भि या नो॒ अरा॑तयः ।
अभि पृ॑त॒न्यन्तं॑ तिष्ठा॒भि यो नो॑ दुर॒स्यति॑ ॥२॥

Abhivritya sapatnanabhi ya no aratayah
Abhi pritanyantam tishthabhi yo no durasyati

29.3

अ॒भि त्वा॑ दे॒वः स॑वि॒ताभि सोमो॑ अवीवृधत्।
अ॒भि त्वा॒ विश्वा॑ भू॒तान्य॑भीव॒र्तो यथास॑सि ॥३॥

Abhi tva devah savitabhi somo avivridhat
Abhi tva vishva bhutanyabhivarto yathasasi

29.4

अ॒भी॒व॒र्तो अ॑भिभ॒वः स॑पत्न॒क्षय॑णो म॒णिः ।
रा॒ष्ट्राय॒ मह्यं॑ बध्यतां स॒पत्ने॑भ्यः परा॒भुवे॑ ॥४॥

Abhivarto abhibhavah sapatnakshayano manih
Rashtraya mahyam badhyatam sapatnebhyah parabhuve

29.5

उद॒सौ सूर्यो॑ अगा॒दुदि॒दं मा॑म॒कं वचः॑ ।
यथा॒हं श॑त्रु॒होऽसा॑न्यसपत्नः सपत्नहा॑ ॥५॥

Udasau suryo agadudidam mamakam vachah
Yathaham shatruhosanyasapatnah sapatnaha

29.6

स॒प॒त्न॒क्षय॑णो॒ वृषा॒भिरा॑ष्ट्रो विषास॒हिः ।
यथा॒हमे॒षां वी॒राणां॑ वि॒राजा॑नि॒ जन॑स्य च ॥६॥

Sapatnakshayano vrishabhirashtro vishasahih
Yathahamesham viranam virajani janasya cha