সূক্ত 33

33.1

আপঃ। ১-৪ শন্তাতিঃ।(চন্দ্রমাঃ) আপঃ(চ)। ত্রিষ্টুপ্।

হিরণ্যবর্ণাঃ শুচয়ঃ পাবকা যাসু জাতঃ সবিতা যাস্বগ্নিঃ ।
যা অগ্নিং গর্ভং দধিরে সুবর্ণাস্তা ন আপঃ শং স্যোনা ভবন্তু ॥১॥

33.2

যাসাং রাজা বরুণো যাতি মধ্যে সত্যানৃতে অবপশ্যন্ জনানাম্।
যা অগ্নিং গর্ভং দধিরে সুবর্ণাস্তা ন আপঃ শং স্যোনা ভবন্তু ॥২॥

33.3

যাসাং দেবা দিবি কৃণ্বন্তি ভক্ষং যা অন্তরিক্ষে বহুধা ভবন্তি ।
যা অগ্নিং গর্ভং দধিরে সুবর্ণাস্তা ন আপঃ শং স্যোনা ভবন্তু ॥৩॥

33.4

শিবেন মা চক্ষুষা পশ্যতাপঃ শিবয়া তন্বোপ স্পৃশত ত্বচং মে ।
ঘৃতশ্চুতঃ শুচয়ো যাঃ পাবকাস্তা ন আপঃ শং স্যোনা ভবন্তু ॥৪॥