Sukta 33

33.1

Apah, 1-4 shantatih, (chandramah) apah(cha), trishtup

हिर॑ण्यवर्णाः॒ शुच॑यः पाव॒का यासु॑ जा॒तः स॑वि॒ता यास्व॒ग्निः ।
या अ॒ग्निं गर्भं॑ दधि॒रे सु॒वर्णा॒स्ता न॒ आपः॒ शं स्यो॒ना भ॑वन्तु ॥१॥

Hiranyavarnah shuchayah pavaka yasu jatah savita yasvagnih
Ya agnim garbham dadhire suvarnasta na apah sham syona bhavantu

यासां॒ राजा॒ वरु॑णो॒ याति॒ मध्ये॑ सत्यानृ॒ते अ॑व॒पश्य॒न् जना॑नाम्।
या अ॒ग्निं गर्भं॑ दधि॒रे सु॒वर्णा॒स्ता न॒ आपः॒ शं स्यो॒ना भ॑वन्तु ॥२॥

Yasam raja varuno yati madhye satyanrite avapashyan jananam
Ya agnim garbham dadhire suvarnasta na apah sham syona bhavantu

यासां॑ दे॒वा दि॒वि कृ॒ण्वन्ति॑ भ॒क्षं या अ॒न्तरि॑क्षे बहु॒धा भव॑न्ति ।
या अ॒ग्निं गर्भं॑ दधि॒रे सु॒वर्णा॒स्ता न॒ आपः॒ शं स्यो॒ना भ॑वन्तु ॥३॥

Yasam deva divi krinvanti bhaksham ya antarikshe bahudha bhavanti
Ya agnim garbham dadhire suvarnasta na apah sham syona bhavantu

शि॒वेन॑ मा॒ चक्षु॑षा पश्यतापः शि॒वया॑ त॒न्वोप॑ स्पृशत॒ त्वचं॑ मे ।
घृत॒श्चुतः॒ शुच॑यो॒ याः पा॑व॒कास्ता न॒ आपः॒ शं स्यो॒ना भवन्तु ॥४॥

Shivena ma chakshusha pashyatapah shivaya tanvopa sprishata tvacham me
Ghritashchutah shuchayo yah pavakasta na apah sham syona bhavantu