Sukta 32

32.1

Mahadbrahma, 1-4 brahma, dyavaprithivi, anushtup, 2 kakummatyanushtup

इ॒दं ज॑नासो वि॒दथ॑ म॒हद् ब्रह्म॑ वदिष्यति ।
न तत् पृ॑थिव्यां नो दि॒वि येन॑ प्रा॒णन्ति॑ वी॒रुधः॑ ॥१॥

Idam janaso vidatha mahad brahma vadishyati
Na tat prithivyam no divi yena prananti virudhah

32.2

अ॒न्तरि॑क्ष आसां॒ स्थाम॑ श्रान्त॒सदा॑मिव ।
आ॒स्थान॑म॒स्य भू॒तस्य॑ वि॒दुष्टद् वे॒धसो॒ न वा॑ ॥२॥

Antariksha asam sthama shrantasadamiva
Asthanamasya bhutasya vidushtad vedhaso na va

32.3

यद् रोद॑सी॒ रेज॑माने॒ भूमि॑श्च नि॒रत॑क्षतम्।
आ॒र्द्रं तद॒द्य स॑र्व॒दा स॑मु॒द्रस्ये॑व स्रो॒त्याः ॥३॥

Yad rodasi rejamane bhumishcha niratakshatam
Ardram tadadya sarvada samudrasyeva srotyah

32.4

विश्व॑म॒न्याम॑भी॒वार॒ तद॒न्यस्या॒मधि॑श्रि॒तम्।
दि॒वे च॑ वि॒श्ववे॑दसे पृथि॒व्यै चा॑करं॒ नमः॑ ॥४॥

Vishvamanyamabhivara tadanyasyamadhishritam
Dive cha vishvavedase prithivyai chakaram namah