সূক্ত 20

20.1

শত্রুনিবারণম্। ১-৪ অথর্বা। ১ সোমঃ, মরুতঃ, ২ মিত্রাবরুণৌ, ৩ বরুণঃ ৪ ইন্দ্রঃ। অনুষ্টুপ্, ত্রিষ্টুপ্।

অদারসৃদ্ ভবতু দেব সোমাস্মিন্ যজ্ঞে মরুতো মৃডতা নঃ ।
মা নো বিদদভিভা মো অশস্তির্মা নো বিদদ্ বৃজিনা দ্বেষ্যা যা ॥১॥

20.2

যো অদ্য সেন্যো বধোঽঘায়ূনামুদীরতে ।
যুবং তং মিত্রাবরুণাবস্মদ্যাবয়তং পরি ॥২॥

20.3

ইতশ্চ যদমুতশ্চ যদ্ বধং বরুণ যাবয় ।
বি মহচ্ছর্ম যচ্ছ বরীয়ো যাবয়া বধম্ ॥৩॥

20.4

শাস ইত্থা মহাঁ অস্যমিত্রসাহো অস্তৃতঃ ।
ন যস্য হন্যতে সখা ন জীয়তে কদা চন ॥৪॥