সূক্ত 21

21.1

শত্রুনিবারণম্। ১-৪ অথর্বা। ইন্দ্রঃ। অনুষ্টুপ্।

স্বস্তিদা বিশাং পতির্বৃত্রহা বিমৃধো বশী।
বৃষেন্দ্রঃ পুর এতু নঃ সোমপা অভয়ংকরঃ ॥১॥

21.2

বি ন ইন্দ্র মৃধো জহি নীচা যচ্ছ পৃতন্যতঃ ।
অধমং গময়া তমো যো অস্মাঁ অভিদাসতি ॥২॥

21.3

বি রক্ষো বি মৃধো জহি বি বৃত্রস্য হনূ রুজ ।
বি মন্যুমিন্দ্র বৃত্রহন্নমিত্রস্যাভিদাসতঃ ॥৩॥

21.4

অপেন্দ্র দ্বিষতো মনোঽপ জিজ্যাসতো বধম্।
বি মহচ্ছর্ম যচ্ছ বরীয়ো যাবয়া বধম্ ॥৪॥