সূক্ত 22

22.1

হৃদ্রোগ-কামিলা-নাশনম্। ১-৪ ব্রহ্মা। সূর্যো, হরিমা হৃদ্রোগশ্চ। অনুষ্টুপ্।

অনু সূর্যমুদয়তাং হৃদ্দয়োতো হরিমা চ তে ।
গো রোহিতস্য বর্ণেন তেন ত্বা পরি দধ্মসি ॥১॥

22.2

পরি ত্বা রোহিতৈর্বর্ণৈর্দীর্ঘায়ুত্বায় দধ্মসি ।
যথায়মরপা অসদথো অহরিতো ভুবৎ ॥২॥

22.3

যা রোহিণীর্দেবত্যা৩ গাবো যা উত রোহিণীঃ ।
রূপংরূপং বয়োবয়স্তাভিষ্ট্বা পরি দধ্মসি ॥৩॥

22.4

শুকেষু তে হরিমাণং রোপণাকাসু দধ্মসি ।
অথো হারিদ্রবেষু তে হরিমাণং নি দধ্মসি ॥৪॥