Sukta 22

22.1

Hridroga-kamila-nashanam, 1-4 brahma, suryo, harima hridrogashcha, anushtup

अनु॒ सूर्य॒मुद॑यतां हृद्दयो॒तो ह॑रि॒मा च॑ ते ।
गो रोहि॑तस्य॒ वर्णे॑न॒ तेन॑ त्वा॒ परि॑ दध्मसि ॥१॥

Anu suryamudayatam hriddayoto harima cha te
Go rohitasya varnena tena tva pari dadhmasi

22.2

परि॑ त्वा॒ रोहि॑तै॒र्वर्णै॑र्दीर्घायु॒त्वाय॑ दध्मसि ।
यथा॒यम॑र॒पा अस॒दथो॒ अह॑रितो॒ भुव॑त् ॥२॥

Pari tva rohitairvarnairdirghayutvaya dadhmasi
Yathayamarapa asadatho aharito bhuvat

22.3

या रोहि॑णीर्देव॒त्या॒३ गावो॒ या उ॒त रोहि॑णीः ।
रू॒पंरू॑पं वयो॑वय॒स्ताभि॑ष्ट्वा॒ परि॑ दध्मसि ॥३॥

Ya rohinirdevatya3 gavo ya uta rohinih
Rupanrupam vayovayastabhishtva pari dadhmasi

22.4

शुके॑षु ते हरि॒माणं॑ रोप॒णाका॑सु दध्मसि ।
अथो॒ हारि॑द्रवेषु ते हरि॒माणं॒ नि द॑ध्मसि ॥४॥

Shukeshu te harimanam ropanakasu dadhmasi
Atho haridraveshu te harimanam ni dadhmasi