সূক্ত 10

10.1

পাপ -বিমোচনম্। ১-৪ অথর্বা। ১ অসুরঃ, ২-৪ বরুণঃ। ত্রিষ্টুপ্, ৩ ককুম্মতী অনুষ্টুপ্, ৪ অনুষ্টুপ্।

অয়ং দেবানামসুরো বি রাজতি বশা হি সত্যা বরুণস্য রাজ্ঞঃ ।
ততস্পরি ব্রহ্মণা শাশদান উগ্রস্য মন্যোরুদিমং নয়ামি ॥১॥

10.2

নমস্তে রাজন্ বরুণাস্তু মন্যবে বিশ্বং হ্যুঽগ্র নিচিকেষি দ্রুগ্ধম্ ।
সহস্রমন্যান্ প্র সুবামি সাকং শতং জীবাতি শরদস্তবায়ম্ ॥২॥

10.3

যদুবক্থানৃতং জিহ্বয়া বৃজিনং বহু।
রাজ্ঞস্ত্বা সত্যধর্মণো মুঞ্চামি বরুণাদহম্ ॥৩॥

10.4

মুঞ্চামি ত্বা বৈশ্বানরাদর্ণবান্মহতস্পরি ।
সজাতানুগ্রেহা বদ ব্রহ্ম চাপ চিকীহি নঃ ॥৪॥