সূক্ত 11

11.1

নারী–সুখপ্রসূতিঃ। ১-৬ অথর্বা। পূষা, অর্যমা, বেধাঃ, দিশঃ, দেবাঃ। পঙ্ক্তিঃ, ২ অনুষ্টুপ্, ৩ চতুষ্পদোষ্ণিগ্গর্ভা ককুম্মত্যনুষ্টুপ্, ৪-৬ পথ্যাপঙ্ক্তিঃ।

বষট্ তে পূষন্নস্মিন্ত্সূতাবর্যমা হোতা কৃণোতু বেধাঃ ।
সিস্রতাং নার্যৃতপ্রজাতা বি পর্বাণি জিহতাং সূতবা উ ॥১॥

11.2

চতস্রো দিবঃ প্রদিশশ্চতস্রো ভূম্যা উত।
দেবা গর্ভং সমৈরয়ন্ তং ব্যূর্ণুবন্তু সূতবে ॥২॥

11.3

সূষা ব্যূর্ণোতু বি যোনিং হাপয়ামসি ।
শ্রথয়া সূষণে ত্বমব ত্বং বিষ্কলে সৃজ ॥৩॥

11.4

নেব মাংসে ন পীবসি নেব মজ্জস্বাহতম্।
অবৈতু পৃশ্নি শেবলং শুনে জরায্বত্তবেঽব জরায়ু পদ্যতাম্ ॥৪॥

11.5

বি তে ভিনদ্মি মেহনং বি যোনিং বি গবীনিকে ।
বি মাতরং চ পুত্রং চ বি কুমারং জরায়ুণাব জরায়ু পদ্যতাম্ ॥৫॥

11.6

যথা বাতো যথা মনো যথা পতন্তি পক্ষিণঃ ।
এবা ত্বং দশমাস্য সাকং জরায়ুণা পতাব জরায়ু পদ্যতাম্ ॥৬॥