সূক্ত 9

9.1

বিজয়ায় প্রার্থনা। ১-৪ অথর্বা। ১ বসবঃ, ইন্দ্রঃ, পূষা, বরুণঃ, মিত্রঃ, অগ্নিঃ, আদিত্যাঃ, বিশ্বেদেবাঃ, ২ দেবাঃ, সূর্যঃ, অগ্নিঃ, হিরণ্যং, ৩-৪ অগ্নিঃ (জাতবেদাঃ)। ত্রিষ্টুপ্।

অস্মিন্ বসু বসবো ধারয়ন্ত্বিন্দ্রঃ পূষা বরুণো মিত্রো অগ্নিঃ ।
ইমমাদিত্যা উত বিশ্বে চ দেবা উত্তরস্মিন্ জ্যোতিষি ধারয়ন্তু ॥১॥

9.2

অস্য দেবাঃ প্রদিশি জ্যোতিরস্তু সূর্যো অগ্নিরুত বা হিরণ্যম্।
সপত্না অস্মদধরে ভবন্তূত্তমং নাকমধি রোহয়েমম্ ॥২॥

9.3

যেনেন্দ্রায় সমভরঃ পয়াংস্যুত্তমেন ব্রহ্মণা জাতবেদঃ ।
তেন ত্বমগ্ন ইহ বর্ধয়েমং সজাতানাং শ্রৈষ্ঠ্য আ ধেহ্যেনম্ ॥৩॥

9.4

ঐষাং যজ্ঞমুত বর্চো দদেঽহং রায়স্পোষমুত চিত্তান্যগ্নে ।
সপত্না অস্মদধরে ভবন্তূত্তমং নাকমধি রোহয়েমম্ ॥৪॥