Sukta 10

10.1

Papa -vimochanam, 1-4 atharva, 1 asurah, 2-4 varunah, trishtup, 3 kakummati anushtup, 4 anushtup

अ॒यं दे॒वाना॒मसु॑रो॒ वि रा॑जति॒ वशा॒ हि स॒त्या वरु॑णस्य॒ राज्ञः॑ ।
तत॒स्परि॒ ब्रह्म॑णा॒ शाश॑दान उ॒ग्रस्य॑ म॒न्योरुदि॒मं न॑यामि ॥१॥

Ayam devanamasuro vi rajati vasha hi satya varunasya ragyah
Tataspari brahmana shashadana ugrasya manyorudimam nayami

10.2

नम॑स्ते राजन् वरुणास्तु म॒न्यवे॒ विश्वं॒ ह्यु॒ऽग्र निचि॒केषि॑ द्रु॒ग्धम् ।
स॒हस्र॑म॒न्यान् प्र सु॑वामि सा॒कं श॒तं जी॑वाति श॒रद॒स्तवा॒यम् ॥२॥

Namaste rajan varunastu manyave vishvam hyugra nichikeshi drugdham
Sahasramanyan pra suvami sakam shatam jivati sharadastavayam

10.3

यदु॒वक्थानृ॑तं जि॒ह्वया॑ वृजि॒नं ब॒हु।
राज्ञ॑स्त्वा स॒त्यध॑र्मणो मु॒ञ्चामि॒ वरु॑णाद॒हम् ॥३॥

Yaduvakthanritam jihvaya vrijinam bahu
Ragyastva satyadharmano munchami varunadaham

10.4

मु॒ञ्चामि॑ त्वा वैश्वान॒राद॑र्ण॒वान्म॑ह॒तस्परि॑ ।
स॒जा॒तानु॑ग्रे॒हा व॑द॒ ब्रह्म॒ चाप॑ चिकीहि नः ॥४॥

Munchami tva vaishvanaradarnavanmahataspari
Sajatanugreha vada brahma chapa chikihi nah