UtshovSarga 99
99.1
रजन्यां तु प्रभातायां समानीय महामुनीन् ।
गीयतामविशङ्काभ्यां रामः पुत्रावुवाच ह ।। ७.९९.१ ॥
Rajanyam tu prabhatayam samaniya mahamunin
Giyatamavishankabhyam ramah putravuvacha ha
99.2
ततः समुपविष्टेषु ब्रह्मर्षिषु महात्मसु ।
भविष्यदुत्तरं काव्यं जगतुस्तौ कुशीलवौ ।। ७.९९.२ ॥
Tatah samupavishteshu brahmarshishu mahatmasu
Bhavishyaduttaram kavyam jagatustau kushilavau
99.3
प्रविष्टायां तु सीतायां भूतलं सत्यसम्पदा ।
तस्यावसाने यज्ञस्य रामः परमदुर्मनाः ।। ७.९९.३ ॥
Pravishtayam tu sitayam bhutalam satyasampada
Tasyavasane yagyasya ramah paramadurmanah
99.4
अपश्यमानो वैदेहीं मेने शून्यमिदं जगत् ।
शोकेन परमायस्तो न शान्तिं मनसा ऽगमत् ।। ७.९९.४ ॥
Apashyamano vaidehim mene shunyamidam jagat
Shokena paramayasto na shantim manasa gamat
99.5
विसृज्य पार्थिवान्सर्वानृक्षवानरराक्षसान् ।
जनौघं विप्रमुख्यानां वित्तपूर्वं विसृज्य च ।। ७.९९.५ ॥
Visrijya parthivansarvanrikshavanararakshasan
Janaugham vipramukhyanam vittapurvam visrijya cha
99.6
एवं समाप्य यज्ञं तु विधिवत्स तु राघवः ।
ततो विसृज्य तान्सर्वान्रामो राजीवलोचनः ।। ७.९९.६ ॥
Evam samapya yagyam tu vidhivatsa tu raghavah
Tato visrijya tansarvanramo rajivalochanah
99.7
हृदि कृत्वा तदा सीतामयोध्यां प्रविवेश ह ।
इष्टयज्ञो नरपतिः पुत्रद्वयसमन्वितः ।। ७.९९.७ ॥
Hridi kritva tada sitamayodhyam pravivesha ha
Ishtayagyo narapatih putradvayasamanvitah
99.8
न सीतायाः परां भार्यां वव्रे स रघुनन्दनः ।
यज्ञे यज्ञे च पत्न्यर्थं जानकी काञ्चनी भवत् ।। ७.९९.८ ॥
Na sitayah param bharyam vavre sa raghunandanah
Yagye yagye cha patnyartham janaki kanchani bhavat
99.9
दशवर्षसहस्राणि वाजिमेघानथाकरोत् ।
वाजपेयान्दशगुणांस्तथा बहुसुवर्णकान् ।। ७.९९.९ ॥
Dashavarshasahasrani vajimeghanathakarot
Vajapeyandashagunanstatha bahusuvarnakan
99.10
अग्निष्टोमातिरात्राभ्यां गोसवैश्च महाधनैः ।
ईजे क्रतुभिरन्यैश्च स श्रीमानाप्तदक्षिणैः ।। ७.९९.१० ॥
Agnishtomatiratrabhyam gosavaishcha mahadhanaih
Ije kratubhiranyaishcha sa shrimanaptadakshinaih
99.11
एवं स कालः सुमहान्राज्यस्थस्य महात्मनः ।
धर्मे प्रयतमानस्य व्यतीयाद्राघवस्य तु ।। ७.९९.११ ॥
Evam sa kalah sumahanrajyasthasya mahatmanah
Dharme prayatamanasya vyatiyadraghavasya tu
99.12
अनुरञ्जन्ति राजानमहन्यहनि राघवम् ।
ऋक्षवानररक्षांसि स्थिता रामस्य शासने ।। ७.९९.१२ ॥
Anuranjanti rajanamahanyahani raghavam
Rikshavanararakshansi sthita ramasya shasane
99.13
काले वर्षति पर्जन्यः सुभिक्षं विमला दिशः ।
हृष्टपुष्टजनाकीर्णं पुरं जनपदास्तथा ।। ७.९९.१३ ॥
Kale varshati parjanyah subhiksham vimala dishah
Hrishtapushtajanakirnam puram janapadastatha
99.14
नाकाले म्रियते कश्चिन्न व्याधिः प्राणिनां तथा ।
नानर्थो विद्यते कश्चिद्रामे राज्यं प्रशासति ।। ७.९९.१४ ॥
Nakale mriyate kashchinna vyadhih praninam tatha
Nanartho vidyate kashchidrame rajyam prashasati
99.15
अथ दीर्घस्य कालस्य राममाता यशस्विनी ।
पुत्रपौत्रैः परिवृता कालधर्ममुपागमत् ।। ७.९९.१५ ॥
Atha dirghasya kalasya ramamata yashasvini
Putrapautraih parivrita kaladharmamupagamat
99.16
अन्वियाय सुमित्रा च कैकेयी च यशस्विनी ।
धर्मं कृत्वा बहुविधं त्रिदिवे पर्यवस्थिता ।। ७.९९.१६ ॥
Anviyaya sumitra cha kaikeyi cha yashasvini
Dharmam kritva bahuvidham tridive paryavasthita
99.17
सर्वाः प्रमुदिताः स्वर्गे राज्ञा दशरथेन च ।
समागता महाभागाः सर्वधर्मं च लेभिरे ।। ७.९९.१७ ॥
Sarvah pramuditah svarge ragya dasharathena cha
Samagata mahabhagah sarvadharmam cha lebhire
99.18
तासां रामो महादानं काले काले प्रयच्छति ।
मातऽणामविशेषेण ब्राह्मणेषु तपस्विषु ।। ७.९९.१८ ॥
Tasam ramo mahadanam kale kale prayachchhati
Matanamavisheshena brahmaneshu tapasvishu
99.19
पित्र्याणि ब्रह्मरत्नानि यज्ञान्परमदुस्तरान् ।
चकार रामो धर्मात्मा पितऽन्देवान्विवर्धयन् ।। ७.९९.१९ ॥
Pitryani brahmaratnani yagyanparamadustaran
Chakara ramo dharmatma pitandevanvivardhayan
99.20
एवं वर्षसहस्राणि बहून्यथ ययुः सुखम् ।
यज्ञैर्बहुविधं धर्मं वर्धयानस्य सर्वदा ।। ७.९९.२० ।।
Evam varshasahasrani bahunyatha yayuh sukham
Yagyairbahuvidham dharmam vardhayanasya sarvada