UtshovSarga 8
8.1
ततो नील अम्बुद निभः प्रहस्तो नाम राक्षसः ।
अब्रवीत् प्राञ्जलिर् वाक्यम् शूरः सेना पतिस्तदा ॥६-८-१॥
Tato nila ambuda nibhah prahasto nama rakshasah
Abravit pranjalir vakyam shurah sena patistada
8.2
देव दानव गन्धर्वाः पिशाचपतगौरगाः ।
न त्वाम् धर्षयितुम् शक्ताः किम् पुनर् वानरा रणे ॥६-८-२॥
Deva danava gandharvah pishachapatagauragah
Na tvam dharshayitum shaktah kim punar vanara rane
8.3
सर्वे प्रमत्ता विश्वस्ता वन्चिताः स्म हनूमता ।
न हि मे जीवतो गच्चेज् जीवन् स वन गोचरः ॥६-८-३॥
Sarve pramatta vishvasta vanchitah sma hanumata
Na hi me jivato gachchej jivan sa vana gocharah
8.4
सर्वाम् सागर पर्यन्ताम् सशैल वन काननाम् ।
करोमि अवानराम् भूमिम् आज्ञापयतु माम् भवान् ॥६-८-४॥
Sarvam sagara paryantam sashaila vana kananam
Karomi avanaram bhumim agyapayatu mam bhavan
8.5
रक्षाम् चैव विधास्यामि वानराद् रजनी चर ।
न आगमिष्यति ते दुह्खम् किम्चिद् आत्म अपराधजम् ॥६-८-५॥
Raksham chaiva vidhasyami vanarad rajani chara
Na agamishyati te duhkham kimchid atma aparadhajam
8.6
अब्रवीत्तम् सुसम्क्रुद्धो दुर्मुखो नाम राक्षसः ।
इदम् न क्षमणीयम् हि सर्वेषाम् नः प्रधर्षणम् ॥६-८-६॥
Abravittam susamkruddho durmukho nama rakshasah
Idam na kshamaniyam hi sarvesham nah pradharshanam
8.7
अयम् परिभवो भूयः पुरस्य अन्तः पुरस्य च ।
श्रीमतो राक्षस इन्द्रस्य वानर इन्द्र प्रधर्षणम् ॥६-८-७॥
Ayam paribhavo bhuyah purasya antah purasya cha
Shrimato rakshasa indrasya vanara indra pradharshanam
8.8
अस्मिन् मुहूर्ते हत्वा एको निवर्तिष्यामि वानरान् ।
प्रविष्टान् सागरम् भीमम् अम्बरम् वा रसा तलम् ॥६-८-८॥
Asmin muhurte hatva eko nivartishyami vanaran
Pravishtan sagaram bhimam ambaram va rasa talam
8.9
ततो अब्रवीत् सुसम्क्रुद्धो वज्र दम्ष्ट्रो महाबलः ।
प्रगृह्य परिघम् घोरम् माम्स शोणित रूपितम् ॥६-८-९॥
Tato abravit susamkruddho vajra damshtro mahabalah
Pragrihya parigham ghoram mamsa shonita rupitam
8.10
किम् नो हनुमता कार्यम् कृपणेन तपस्विना ।
रामे तिष्ठति दुर्धर्षे सुग्रीवे सह लक्ष्मणे ॥६-८-१०॥
Kim no hanumata karyam kripanena tapasvina
Rame tishthati durdharshe sugrive saha lakshmane
8.11
अद्य रामम् ससुग्रीवम् परिघेण सलक्ष्मणम् ।
आगमिष्यामि हत्वा एको विक्षोभ्य हरि वाहिनीम् ॥६-८-११॥
Adya ramam sasugrivam parighena salakshmanam
Agamishyami hatva eko vikshobhya hari vahinim
8.12
इदम् ममापरम् वाक्यम् शृणु राजन्यदीच्चसि ।
उपायकुशलो ह्येव जयेच्चत्रुनतन्द्रितः ॥६-८-१२॥
Idam mamaparam vakyam shrinu rajanyadichchasi
Upayakushalo hyeva jayechchatrunatandritah
8.13
कामरूपधराः शूराः सुभीमा भीमदर्शनाः ।
राक्षसा वा सहस्राणि राक्षसाधिप निश्चिताः ॥६-८-१३॥
Kamarupadharah shurah subhima bhimadarshanah
Rakshasa va sahasrani rakshasadhipa nishchitah
8.14
काकुत्थ्समुपसम्गम्य बिभ्रतो मानुषम् वपुः ।
सर्वे ह्यसम्भ्रमा भूत्वा ब्रुवन्तु रघुसत्तमम् ॥६-८-१४॥
Kakutthsamupasamgamya bibhrato manusham vapuh
Sarve hyasambhrama bhutva bruvantu raghusattamam
8.15
प्रेषिता भरतेनैव भ्रात्रा तव यवीयसा ।
स हि सेनाम् समुत्थाप्य क्षिप्रमेवोपयास्यति ॥६-८-१५॥
Preshita bharatenaiva bhratra tava yaviyasa
Sa hi senam samutthapya kshipramevopayasyati
8.16
ततो वयमितस्तुर्णम् शूलशक्तिगदाधराः ।
चापबाणासिहस्तश्च त्वरितास्तत्र यामहे ॥६-८-१६॥
Tato vayamitasturnam shulashaktigadadharah
Chapabanasihastashcha tvaritastatra yamahe
8.17
आकाशे गणशः स्थित्वा हत्वा ताम् हरिवाहिनीम् ।
अश्मशस्त्रमहावृष्ट्वा प्रापयाम् यमक्षयम् ॥६-८-१७॥
Akashe ganashah sthitva hatva tam harivahinim
Ashmashastramahavrishtva prapayam yamakshayam
8.18
एवम् चेदुपसर्पेतामनयम् रामलक्ष्मणौ ।
अवश्यमपनीतेन जहतामेव जीवितम् ॥६-८-१८॥
Evam chedupasarpetamanayam ramalakshmanau
Avashyamapanitena jahatameva jivitam
8.19
कौम्भकर्णिस् ततो वीरो निकुम्भो नाम वीर्यवान् ।
अब्रवीत् परम कुर्द्धो रावणम् लोक रावणम् ॥६-८-१९॥
Kaumbhakarnis tato viro nikumbho nama viryavan
Abravit parama kurddho ravanam loka ravanam
8.20
सर्वे भवन्तस् तिष्ठन्तु महाराजेन सम्गताः ।
अहम् एको हनिष्यामि राघवम् सह लक्ष्मणम् ॥६-८-२०॥
Sarve bhavantas tishthantu maharajena samgatah
Aham eko hanishyami raghavam saha lakshmanam
8.21
सुग्रीवम् सहनूमन्तम् सर्वाम्श्चैवात्र वानरान् ।
ततो वज्रहनुर्नाम राक्षसः पर्वतोपमः ॥६-८-२१॥
Sugrivam sahanumantam sarvamshchaivatra vanaran
Tato vajrahanurnama rakshasah parvatopamah
8.22
क्रुद्धः परिलिहन् वक्त्रम् जिह्वया वाक्यम् अब्रवीत् ।
स्वैरम् कुर्वन्तु कार्याणि भवन्तो विगत ज्वराः ॥६-८-२२॥
Kruddhah parilihan vaktram jihvaya vakyam abravit
Svairam kurvantu karyani bhavanto vigata jvarah
8.23
एको अहम् भक्षयिष्यामि तान् सर्वान् हरि यूथपान् ।
स्वस्थाः क्रीडन्तु निश्चिन्ताः पिबन्तु मधु वारुणीम् ॥६-८-२३॥
Eko aham bhakshayishyami tan sarvan hari yuthapan
Svasthah kridantu nishchintah pibantu madhu varunim
8.24
अहम् एको हनिष्यामि सुग्रीवम् सह लक्ष्मणम् ।
स अन्गदम् च हनूमन्तम् रामम् च रण कुन्जरम् ॥६-८-२४॥
Aham eko hanishyami sugrivam saha lakshmanam
Sa angadam cha hanumantam ramam cha rana kunjaram