Utshovসর্গ 8
8.1
ততো নীল অম্বুদ নিভঃ প্রহস্তো নাম রাক্ষসঃ ।
অব্রবীৎ প্রাঞ্জলির্ বাক্যম্ শূরঃ সেনা পতিস্তদা ॥৬-৮-১॥
8.2
দেব দানব গন্ধর্বাঃ পিশাচপতগৌরগাঃ ।
ন ত্বাম্ ধর্ষয়িতুম্ শক্তাঃ কিম্ পুনর্ বানরা রণে ॥৬-৮-২॥
8.3
সর্বে প্রমত্তা বিশ্বস্তা বন্চিতাঃ স্ম হনূমতা ।
ন হি মে জীবতো গচ্চেজ্ জীবন্ স বন গোচরঃ ॥৬-৮-৩॥
8.4
সর্বাম্ সাগর পর্যন্তাম্ সশৈল বন কাননাম্ ।
করোমি অবানরাম্ ভূমিম্ আজ্ঞাপয়তু মাম্ ভবান্ ॥৬-৮-৪॥
8.5
রক্ষাম্ চৈব বিধাস্যামি বানরাদ্ রজনী চর ।
ন আগমিষ্যতি তে দুহ্খম্ কিম্চিদ্ আত্ম অপরাধজম্ ॥৬-৮-৫॥
8.6
অব্রবীত্তম্ সুসম্ক্রুদ্ধো দুর্মুখো নাম রাক্ষসঃ ।
ইদম্ ন ক্ষমণীয়ম্ হি সর্বেষাম্ নঃ প্রধর্ষণম্ ॥৬-৮-৬॥
8.7
অয়ম্ পরিভবো ভূয়ঃ পুরস্য অন্তঃ পুরস্য চ ।
শ্রীমতো রাক্ষস ইন্দ্রস্য বানর ইন্দ্র প্রধর্ষণম্ ॥৬-৮-৭॥
8.8
অস্মিন্ মুহূর্তে হত্বা একো নিবর্তিষ্যামি বানরান্ ।
প্রবিষ্টান্ সাগরম্ ভীমম্ অম্বরম্ বা রসা তলম্ ॥৬-৮-৮॥
8.9
ততো অব্রবীৎ সুসম্ক্রুদ্ধো বজ্র দম্ষ্ট্রো মহাবলঃ ।
প্রগৃহ্য পরিঘম্ ঘোরম্ মাম্স শোণিত রূপিতম্ ॥৬-৮-৯॥
8.10
কিম্ নো হনুমতা কার্যম্ কৃপণেন তপস্বিনা ।
রামে তিষ্ঠতি দুর্ধর্ষে সুগ্রীবে সহ লক্ষ্মণে ॥৬-৮-১০॥
8.11
অদ্য রামম্ সসুগ্রীবম্ পরিঘেণ সলক্ষ্মণম্ ।
আগমিষ্যামি হত্বা একো বিক্ষোভ্য হরি বাহিনীম্ ॥৬-৮-১১॥
8.12
ইদম্ মমাপরম্ বাক্যম্ শৃণু রাজন্যদীচ্চসি ।
উপায়কুশলো হ্যেব জয়েচ্চত্রুনতন্দ্রিতঃ ॥৬-৮-১২॥
8.13
কামরূপধরাঃ শূরাঃ সুভীমা ভীমদর্শনাঃ ।
রাক্ষসা বা সহস্রাণি রাক্ষসাধিপ নিশ্চিতাঃ ॥৬-৮-১৩॥
8.14
কাকুত্থ্সমুপসম্গম্য বিভ্রতো মানুষম্ বপুঃ ।
সর্বে হ্যসম্ভ্রমা ভূত্বা ব্রুবন্তু রঘুসত্তমম্ ॥৬-৮-১৪॥
8.15
প্রেষিতা ভরতেনৈব ভ্রাত্রা তব যবীয়সা ।
স হি সেনাম্ সমুত্থাপ্য ক্ষিপ্রমেবোপয়াস্যতি ॥৬-৮-১৫॥
8.16
ততো বয়মিতস্তুর্ণম্ শূলশক্তিগদাধরাঃ ।
চাপবাণাসিহস্তশ্চ ত্বরিতাস্তত্র যামহে ॥৬-৮-১৬॥
8.17
আকাশে গণশঃ স্থিত্বা হত্বা তাম্ হরিবাহিনীম্ ।
অশ্মশস্ত্রমহাবৃষ্ট্বা প্রাপয়াম্ যমক্ষয়ম্ ॥৬-৮-১৭॥
8.18
এবম্ চেদুপসর্পেতামনয়ম্ রামলক্ষ্মণৌ ।
অবশ্যমপনীতেন জহতামেব জীবিতম্ ॥৬-৮-১৮॥
8.19
কৌম্ভকর্ণিস্ ততো বীরো নিকুম্ভো নাম বীর্যবান্ ।
অব্রবীৎ পরম কুর্দ্ধো রাবণম্ লোক রাবণম্ ॥৬-৮-১৯॥
8.20
সর্বে ভবন্তস্ তিষ্ঠন্তু মহারাজেন সম্গতাঃ ।
অহম্ একো হনিষ্যামি রাঘবম্ সহ লক্ষ্মণম্ ॥৬-৮-২০॥
8.21
সুগ্রীবম্ সহনূমন্তম্ সর্বাম্শ্চৈবাত্র বানরান্ ।
ততো বজ্রহনুর্নাম রাক্ষসঃ পর্বতোপমঃ ॥৬-৮-২১॥
8.22
ক্রুদ্ধঃ পরিলিহন্ বক্ত্রম্ জিহ্বয়া বাক্যম্ অব্রবীৎ ।
স্বৈরম্ কুর্বন্তু কার্যাণি ভবন্তো বিগত জ্বরাঃ ॥৬-৮-২২॥
8.23
একো অহম্ ভক্ষয়িষ্যামি তান্ সর্বান্ হরি যূথপান্ ।
স্বস্থাঃ ক্রীডন্তু নিশ্চিন্তাঃ পিবন্তু মধু বারুণীম্ ॥৬-৮-২৩॥
8.24
অহম্ একো হনিষ্যামি সুগ্রীবম্ সহ লক্ষ্মণম্ ।
স অন্গদম্ চ হনূমন্তম্ রামম্ চ রণ কুন্জরম্ ॥৬-৮-২৪॥