Utshovসর্গ 7
7.1
ইতি উক্তা রাক্ষস ইন্দ্রেণ রাক্ষসাস্তে মহাবলাঃ ।
ঊচুঃ প্রান্জলয়ঃ সর্বে রাবণম্ রাক্ষস ঈশ্বরম্ ॥৬-৭-১॥
7.2
দ্বিষ্ত্পক্ষ্হ্মবিজ্ঞায় নীতিবাহ্যাস্ত্ববুদ্ধয়ঃ ।
রাজন্ পরিঘ শক্তি ঋষ্টি শূল পট্টস সম্কুলম্ ॥৬-৭-২॥
7.3
সুমহন্ নো বলম্ কস্মাদ্ বিষাদম্ ভজতে ভবান্ ।
ত্বয়া ভোগবতীম্ গত্বা নির্জতাঃ পন্নগা যুধি ॥৬-৭-৩॥
7.4
কৈলাস শিখর আবাসী যক্ষৈর্ বহুভির্ আবৃতঃ ।
সুমহৎ কদনম্ কৃত্বা বশ্যস্ তে ধনদঃ কৃতঃ ॥৬-৭-৪॥
7.5
স মহাঈশ্বর সখ্যেন শ্লাঘমানস্ ত্বয়া বিভো ।
নির্জিতঃ সমরে রোষাল্ লোক পালো মহাবলঃ ॥৬-৭-৫॥
7.6
বিনিহত্য চ যক্ষৌঘান্ বিক্ষোভ্য চ বিগৃহ্য চ ।
ত্বয়া কৈলাস শিখরাদ্ বিমানম্ ইদম্ আহৃতম্ ॥৬-৭-৬॥
7.7
ময়েন দানব ইন্দ্রেণ ত্বদ্ ভয়াৎ সখ্যম্ ইচ্চতা ।
দুহিতা তব ভার্যা অর্থে দত্তা রাক্ষস পুম্গব ॥৬-৭-৭॥
7.8
দানব ইন্দ্রো মধুর্ নাম বীর্য উত্সিক্তো দুরাসদঃ ।
বিগৃহ্য বশম্ আনীতঃ কুম্ভীনস্যাঃ সুখ আবহঃ ॥৬-৭-৮॥
7.9
নির্জিতাস্ তে মহাবাহো নাগা গত্বা রসা তলম্ ।
বাসুকিস্ তক্ষকঃ শন্খো জটী চ বশম্ আহৃতাঃ ॥৬-৭-৯॥
7.10
অক্ষয়া বলবন্তঃ চ শূরা লব্ধ বরাঃ পুনঃ ।
ত্বয়া সম্বত্সরম্ যুদ্ধ্বা সমরে দানবা বিভো ॥৬-৭-১০॥
7.11
স্ব বলম্ সমুপাশ্রিত্য নীতা বশম্ অরিম্ দম ।
মায়াঃ চ অধিগতাস্ তত্র বহবো রাক্ষস অধিপ ॥৬-৭-১১॥
7.12
শূরাঃ চ বলবন্তঃ চ বরুণস্য সুতা রণে ।
নির্জিতাস্ তে মহাবাগ চতুর্ বিধ বল অনুগাঃ ॥৬-৭-১২॥
7.13
মৃত্যু দণ্ড মহাগ্রাহম্ শাল্মলি দ্বীপ মণ্ডিতম্ ।
কালপাশমহাঈচিম্ যমকিম্করপন্নগম্ ॥৬-৭-১৩॥
7.14
মহাজ্বরেণ দুর্ধর্ষম্ যমলোকমহার্ণবম্ ।
অবগাহ্য ত্বয়া রাজন্ যমস্য বল সাগরম্ ॥৬-৭-১৪॥
7.15
জয়ঃ চ বিপ্লুলঃ প্রাপ্তো মৃত্যুঃ চ প্রতিষেধিতঃ ।
সুয়ুদ্ধেন চ তে সর্বে লোকাস্ তত্র সুতোষিতাঃ ॥৬-৭-১৫॥
7.16
ক্ষত্রিয়ৈর্ বহুভির্ বীরৈঃ শক্র তুল্য পরাক্রমৈঃ ।
আসীদ্ বসুমতী পূর্ণা মহদ্ভির্ ইব পাদপৈঃ ॥৬-৭-১৬॥
7.17
তেষাম্ বীর্য গুণ উত্সাহৈর্ ন সমো রাঘবো রণে ।
প্রসহ্য তে ত্বয়া রাজন্ হতাঃ পরম দুর্জয়াঃ ॥৬-৭-১৭॥
7.18
তিষ্ঠ বা কিম্ মহারাজ শ্রমেণ তব বানরান্ ।
অয়মেকো মহারজ ইন্দ্রজিৎ ক্ষপয়িষ্যতি ॥৬-৭-১৮॥
7.19
অনেন হি মহারাজ মহেশ্বরমনুত্তমম্ ।
ইষ্ট্বা যজ্ঞম্ বরো লব্ধো লোকে পরমদুর্লভঃ ॥৬-৭-১৯॥
7.20
শক্তিতোমরমীনম্ চ বিনিকীর্ণান্ত্রশৈবলম্ ।
গজকচ্চপসম্বাধম্শ্বমণ্ডূকসম্কুলম্ ॥৬-৭-২০॥
7.21
রুদ্রাদিত্যমহাগ্রাহম্ মরুদ্বসুমহোরগম্ ।
রথশ্বগজতোয়ৌঘম্ পদাতিপুলিনম্ মহৎ ॥৬-৭-২১॥
7.22
অনেন হি সমাসাদ্য দেবানাম্ বলসাগম্ ।
গৃহীতো দৈবতপতির্লঙ্কাম্ চাপি প্রবেশিতঃ ॥৬-৭-২২॥
7.23
পীতামহনিয়োগাচ্চ মুক্তঃ শম্বরবৃত্রহা ।
গতস্ত্রিবিষ্টপম্ রাজন্ সর্বদেবনমস্কৃতঃ ॥৬-৭-২৩॥
7.24
তমেব ত্বম্ মহারাজ বিসৃজেন্দ্রজিতম্ সুতম্ ।
যাবদ্বানরসেনাম্ তাম্ পরামাম্ নয়তি ক্ষ্হয়ম্ ॥৬-৭-২৪॥
7.25
রাজন্ ন আপদ্ অয়ুক্তা ইয়ম্ আগতা প্রাকৃতাজ্ জনাৎ ।
হৃদি ন এব ত্বয়া কার্যা ত্বম্ বধিষ্যসি রাঘবম্ ॥৬-৭-২৫॥